Áleýmettik jelide Almatyǵa kelgen reseilik áieldiń jergilikti bankter men HQKO jumysyna qatysty narazylyǵyn bildirgen videosy qyzý talqylanyp jatyr, dep habarlaidy dalanews.kz.
Jelide taraǵan kadrlarda áiel bank kartasyn eki kúnnen beri rásimdei almai júrgenin aitady. Onyń sózinshe, qyzmetkerler aldymen JSN alý qajet ekenin aityp, ár mekemege jibergen.
Videoda áiel emotsiiaǵa berilip, bylapyt sózder qoldanǵan. Sonymen qatar onyń: «Ózimdi Reseidegi ózbek siiaqty sezinip turmyn» degen sózi kópshiliktiń ashýyn týǵyzdy.
Pikir jazǵan qoldanýshylardyń kóbi Qazaqstanda shetel azamattaryna JSN rásimdeý – qalypty talap ekenin atap ótti. Sondai-aq olar basqa ult ókilderin mysalǵa keltirip aitylǵan sózderdi mensinbeýshilik ári qurmetsizdik dep baǵalaǵan.
Video jelide qyzý pikirtalas týdyrdy. Biri muny biýrokratiiaǵa tap bolǵan adamnyń emotsiialyq reaktsiiasy dep qabyldasa, endi biri ainalasyndaǵylarǵa mensinbei qaraýdyń kórinisi dep esepteidi.
Quzyrly organdar ázirge bul jaǵdaiǵa qatysty pikir bildirgen joq.
