Almatyda jańa saiabaq paida bolady. Bul týraly qala ákimdigi málimdedi, dep habarlaidy dalanews.kz.
Almatyda Qazaqstan kinematografiiasynyń tarihyna arnalǵan jańa qoǵamdyq keńistiktiń tujyrymdamasy ázirlenip jatyr. "Qazaqfilm" kinematografiia parkin serýendeýge, demalýǵa jáne otandyq kino ónerimen tanysýǵa arnalǵan zamanaýi oryn retinde qurý josparlanyp otyr.
Joba aiasynda serýendeýge arnalǵan alleialar, interaktivti jáne mýltimediialyq installiatsiialar, ashyq aspan astynda filmder kórsetýge arnalǵan amfiteatr, balalar alańy men demalys aimaqtaryn salý qarastyrylǵan.
Kinematografiia parki mádeniet pen qala ómirin toǵystyratyn keńistik retinde qarastyrylǵan. Munda otandyq filmderdiń kórsetilimderin, taqyryptyq kezdesýler men túrli mádeni is-sharalar uiymdastyrý josparlanǵan.
