Almaty politsiiasynyń jedel basqarý ortalyǵyna Alataý aýdanyndaǵy Shańyraq-2 shaǵynaýdanynda ústi qanǵa boialǵan er adam júrgeni týraly habar tústi, dep habarlaidy dalanews.kz.
Kýágerlerdiń aitýynsha, onyń bir qolynda pyshaq, ekinshi qolynda kirpish bolǵan.
Oqiǵa ornyna sanaýly minýt ishinde jetken patrýldik politsiia qyzmetkerleri er adam aýyr jaraqat alyp, kóp qan joǵaltqanyn anyqtaǵan.
Politseiler dárigerler kelgenge deiin alǵashqy meditsinalyq kómek kórsetip, qan ketýin toqtatqan. Keiin er adam jedel járdem qyzmetkerlerine tapsyrylyp, aýrýhanaǵa jetkizildi.
Aldyn ala málimet boiynsha ol mas kúide bolǵan. Óziniń aitýynsha, týǵan kúnin toilaý kezinde dastarhan basynda janjal shyǵyp, arty tóbeleske ulasqan. Sonyń saldarynan jaraqat alǵan.
Qazir Alataý aýdandyq politsiia qyzmetkerleri oqiǵanyń mán-jaiyn jáne janjalǵa qatysqandardy anyqtap jatyr. Tekseris qorytyndysy boiynsha olardyń áreketine quqyqtyq baǵa beriledi.
