Almatyda úisiz-kúisiz júrgenderge reid sharasy kúsheitildi, dep habarlaidy dalanews.kz.
Qala politsiiasy málimetinshe, jyl basynan beri "Pana" áleýmettik beiimdeý ortalyǵyna 388 adam jetkizilgen. Onyń 54-i odan ári kómek alý úshin ortalyqta qalǵan.
Qalǵandary tekseristen keiin usynylǵan kómekten bas tartqan.
Reid barysynda politsiia azamattardyń kim ekenin anyqtap, aqparattyq esep boiynsha tekseredi jáne qajet bolǵan jaǵdaida tiisti kómekke baǵyttaidy.
"Ýchaskelik inspektordyń mindeti kóshede júrgen adamdy anyqtaýmen ǵana shektelmeidi. Onyń qandai kómekke muqtaj ekenin túsiný jáne tiisti qyzmetterge baǵyttaý mańyzdy", - dedi Almaty PD qoǵamdyq qaýipsizdik basqarmasynyń bastyǵy Timýr Noǵaibaev.
