Almatyda túngi ýaqytta 102 qyzmetine oq atylǵanǵa uqsaityn dybystar estilgeni jóninde habarlama túsken, dep habarlaidy dalanews.kz.
Oqiǵa ornyna jedel túrde patrýldik politsiia qyzmetkerleri jiberilip, tekseris barysynda kúmán týdyrǵan kólik toqtatylǵan. Kóliktiń júksalǵyshyn qaraý kezinde tapanshaǵa uqsas zat pen oǵan arnalǵan oq-dáriler anyqtalǵan.
Almaty qalalyq Politsiia departamenti málimetinshe, kólik iesi tabylǵan zattyń belgi berý quraly ekenin jáne ony qańǵybas janýarlardy úrkitý úshin paidalanǵanyn aitqan.
Oqiǵa ornyna jedel tergeý toby shaqyrylyp, zat pen oq-dáriler tárkilendi. Qazir olardyń naqty sipatyn anyqtaý úshin tiisti saraptamalar taǵaiyndalǵan.
