Almatyda jańa oqý jyly bastalǵanda joldaǵy keptelis kúsheiýi múmkin. Osyǵan bailanysty qala ákimdigi birqatar shara qabyldady, dep habarlaidy dalanews.kz.
1 qyrkúiekte 60 mektepke qyzmet kórsetetin 300 mektep avtobýsy 13 myńnan asa balany tasymaldaidy. Mektep mańynda, jaiaý júrginshiler ótkelderinde jáne kólik kóp júretin ýchaskelerde 470 politsiia qyzmetkeri kezekshilik etedi.
Alǵashqy eki aptada qoǵamdyq kólikke qosymsha 500 avtobýs shyǵarylady. Al metro quramdary 11-den 13-ke kóbeiip, tańerteńgi ýaqytta poiyzdar arasyndaǵy aralyq úsh minýtqa deiin qysqarady.
Sondai-aq, qyrkúiektiń alǵashqy aptasynda júk kólikteriniń qozǵalysyna baqylaý kúsheitiledi. Salmaǵy 8 tonnadan asatyn júk kólikterine belgilengen ýchaskelerde tańǵy 7:00-den keshki 22:00-ge deiin júrýge shekteý qoiylǵan.
1-5 qyrkúiek aralyǵynda ákimdiktiń birqatar qyzmetkeri qashyqtan jumys isteidi. Sonymen qatar, qala ortalyǵyndaǵy iri kompaniialar men bankterge qyzmetkerleriniń bir bóligin ýaqytsha qashyqtan jumys isteý formatyna aýystyrý nemese jumys ýaqytyn ikemdi etý usynyldy.
