Almatyda Tóle bi jáne Qazybek bi kósheleriniń kei bólikteri ýaqytsha jabylady, dep habarlaidy dalanews.kz.
Qala kúnine orai ótetin merekelik is-sharalarǵa bailanysty Tóle bi jáne Qazybek bi kósheleriniń Abylai han dańǵylynan Nazarbaev dańǵylyna deiingi bólikterinde kólik qozǵalysy ýaqytsha shekteledi.
Shekteý 17 qyrkúiek saǵat 15:00-den 21 qyrkúiek saǵat 03:00-ge deiin kúshinde bolady.
Budan bólek, 17 qyrkúiek saǵat 22:00-den 21 qyrkúiek saǵat 24:00-ge deiin Tóle bi kóshesiniń Nazarbaev dańǵylynan Abylai han dańǵylyna deiingi bóligi tolyǵymen jabylady. Osyǵan bailanysty №16, 37, 48, 126, 201, 205, 206, 209, 210 jáne 224 avtobýs baǵyttarynyń qozǵalys syzbasy ýaqytsha ózgeredi.
№37, 48, 201, 206, 209, 210 jáne 224-avtobýstar shyǵys baǵytta Abylai han dańǵyly, Qabanbai batyr kóshesi jáne Nazarbaev dańǵyly arqyly, al batys baǵytta Nazarbaev dańǵyly, Bógenbai batyr kóshesi jáne Abylai han dańǵyly arqyly júredi.
Al №16, 126 jáne 205-baǵyttar jabylǵan ýchaskeni ainalyp ótip, Gogol, Qaldaiaqov, Jeltoqsan, Naýryzbai batyr kósheleri jáne olarǵa irgeles joldarmen qatynaidy.
