Almatyda Toyota kóliginiń júrgizýshisi politsiia qyzmetkerleriniń toqtaý týraly talabyna baǵynbai, oqiǵa ornynan qashýǵa árekettengen. Ony ustaý úshin birneshe patrýldik politsiia ekipajy jumyldyryldy, dep habarlaidy dalanews.kz.
Olar júrgizýshini Seifýllin dańǵyly men Bógenbai batyr kóshesi qiylysyna deiin qýyp, sol jerde tártip saqshylary kóliktiń jolyn bógep, júrgizýshini ustaǵan.
Keiin sot-narkologiialyq saraptama nátijesinde 42 jastaǵy er adam ortasha dárejede masań kúide kólik basqarǵany anyqtalǵan.
Oǵan ákimshilik materialdar rásimdeldi. Endi ol kólikti mas kúide basqarǵany jáne politsiia qyzmetkerleriniń zańdy talabyn oryndamaǵany úshin sot aldynda jaýap beredi.
"Eń bastysy qaýipti júrgizýshi der kezinde toqtatyldy. Bul jaǵdai jol qozǵalysynyń basqa qatysýshylary úshin aýyr zardaptarǵa ákep soǵýy múmkin edi", - dedi politsiia.
