Almaty prokýratýrasy qala ortalyǵynda ornalasqan temirjol aýrýhanasynyń ǵimaraty men jer ýchaskelerin memleket menshigine qaitardy, dep habarlaidy dalanews.kz.
2018 jyly birqatar mámileler nátijesinde buryn Temirjol apattar meditsinasy gospitaline tiesili bolǵan densaýlyq saqtaý nysany men jer ýchaskeleri jeke menshikke zańsyz shyǵarylǵan. Jer jáne memlekettik múlik týraly zańnama talaptary buzylǵan.
Sot talqylaýy barysynda mámilege qatysýshylar ózara affilirlengeni jáne memlekettik múlik básekelestik ortadan tys zańsyz shyǵarylǵany dáleldengen.
Almaly aýdany prokýratýrasynyń talap-aryzy boiynsha sot memlekettik múlikti ielikten shyǵarý jónindegi mámilelerdi jaramsyz dep tanydy. Sot sheshimi zańdy kúshine endi, apelliatsiialyq shaǵym qanaǵattandyrylmady.
Nátijesinde memleket menshigine jalpy aýmaǵy 0,3 gektar bolatyn eki jer ýchaskesi jáne aýdany 1 628 m2 bolatyn ǵimarat qaitaryldy. Qaitarylǵan múliktiń jalpy quny 2 mlrd teńgeden asady.
