Almatyda Túrksib aýdandyq politsiia basqarmasynyń qyzmetkerleri jedel izdestirý is-sharalary barysynda adam óltirýge oqtalý deregin ashyp, kúdiktini ustady, dep habarlaidy dalanews.kz.
Tergeý málimetinshe, eki tanys adamnyń arasyndaǵy janjal kúndiz megapolistiń tómengi bóligindegi kafelerdiń biriniń mańynda ótken is-shara kezinde bastalǵan. Bastapqyda daý osy jerden aiaqtalǵandai kóringenimen, biraz ýaqyttan keiin janjalǵa qatysýshylardyń biri qarsylasynyń úiine barǵan.
Kezekti sózge kelý barysynda úi iesi ańshy myltyǵyn alyp shyǵyp, er adamǵa oq atqan.
Oq jaraqatyn alǵan 31 jastaǵy jábirlenýshi shuǵyl túrde aýrýhanaǵa jetkizildi. Politsiia qyzmetkerleriniń jedel áreketiniń nátijesinde kúdikti izin sýytpai ustaldy. Adam óltirýge oqtalý deregi boiynsha qylmystyq is qozǵaldy.
Qazir oqiǵanyń barlyq mán-jaiy anyqtalyp jatyr. Sonymen qatar tárkilengen myltyqtyń shyǵý tegi men ony saqtaýdyń zańdylyǵy tekseriledi.
