Almatyda ekologiiany jaqsartýǵa arnalǵan úsh jyldyq baǵdarlama qabyldandy, dep habarlaidy dalanews.kz.
Qalalyq máslihat ekologiialyq jaǵdaidy jaqsartýǵa baǵyttalǵan 2027-2029 jyldarǵa arnalǵan keshendi baǵdarlamany bekitti. Ony júzege asyrýǵa 28,6 milliard teńgeden asa qarjy bólinedi.
Baǵdarlamanyń negizgi maqsaty - qaladaǵy ziian shyǵaryndylardy azaityp, aýa sapasyn jaqsartý.
Qujattaǵy basty jańalyqtyń biri - 2027 jyldan bastap Almatyda arnaiy tómen emissiialyq aimaqtar (Low Emission Zones) engiziledi. Bul aýmaqtarǵa ekologiialyq talaptarǵa sai kelmeitin eski kólikter kirýine shekteý qoiylady.
Sonymen qatar, jol-patrýldik politsiiasy men EcoAlmaty mamandary kólikterdiń shyǵaryndylaryn turaqty baqylap, olardyń tehnikalyq jaǵdaiyn jii tekseredi.
Baǵdarlama aiasynda turǵyndardyń eski kólikterin memlekettik qoldaý tetikteri arqyly satyp alý múmkindigi de qarastyrylyp otyr.
