Almatyda politsiiaǵa esirtki qylmystaryn anyqtaýǵa kómektesken kýrer aqshalai syiaqy men baǵaly syilyqtarǵa ie boldy, dep habarlaidy dalanews.kz.
Megapolis turǵyny esirtki qylmystaryna qarsy is-qimyl basqarmasynyń qyzmetkerlerine birneshe ret yqtimal quqyq buzýshylyqtar týraly aqparat berip otyrǵan.
Quqyq qorǵaý organdarynyń málimetinshe, onyń habarlamalarynyń bir bóligi rastalyp, jedel is-sharalardy uiymdastyrýǵa negiz bolǵan.
Esirtki qylmystaryna qarsy kúreske qosqan úlesi úshin azamatqa qurmet gramotasy men alǵys hat tabystaldy. Sonymen qatar Almaty qalalyq quqyq buzýshylyqtardyń aldyn alý jónindegi keńesiniń ókilderi oǵan iPhone 17 smartfony men 1 million teńge kóleminde aqshalai syiaqy bergen.
Marapattalǵan azamattyń jeke basy jariialanbaidy. Qaýipsizdik maqsatynda quqyq qorǵaý organdary onyń aty-jónin, fotosýretin jáne jeke tulǵasyn anyqtaýǵa múmkindik beretin ózge de málimetterdi taratpai otyr.
