Almatyda Mercedes-Benz Gelandewagen jáne Suzuki kólikteri qatysqan jol-kólik oqiǵasy saldarynan eki qyz qaza tapty, dep habarlaidy dalanews.kz.
Aldyn ala málimet boiynsha, 27 shildege qaraǵan túni saǵat 03:10 shamasynda Rysqulov dańǵylymen batys baǵytta kele jatqan Suzuki kóliginiń júrgizýshisi Sháripov kóshesimen qiylysta keri burylý kezinde qarsy baǵytta qozǵalyp kele jatqan Mercedes-Benz Gelandewagen kóligine jol bermegen. Sonyń saldarynan eki kólik soqtyǵysqan.
Suzuki kóliginiń ishinde tórt qyz bolǵan. Júrgizýshi men jolaýshylardyń biri oqiǵa ornynda kóz jumdy. Taǵy bir jolaýshy aýrýhanaǵa jetkizilse, ekinshi qyzdy qutqarýshylar arnaiy quraldardyń kómegimen qatty zaqymdanǵan kóliktiń ishinen shyǵaryp alǵan.
Mercedes-Benz Gelandewagen júrgizýshisi de túrli dene jaraqattarymen aýrýhanaǵa jatqyzyldy.
Politsiianyń málimetinshe, adam ólimine ákep soqqan jol-kólik oqiǵasyna qatysty qylmystyq is qozǵaldy. Qazirgi ýaqytta apattyń barlyq mán-jaiy anyqtalyp jatyr.
