Almaty politsiiasy psihologiialyq seminar barysynda bolǵan oqiǵaǵa nazar aýdardy, dep habarlaidy dalanews.kz.
Almaty qalasynda ótken psihologiialyq seminarlardyń birinde qoǵamdyq tártipti buzý deregi anyqtalǵan.
"Is-shara barysynda keibir qatysýshylar beiádep sózder qoldanyp, ainalasyndaǵylarǵa qurmetsizdik tanytyp, qoǵamdyq tártip normalaryn buzǵan. Bul derek boiynsha Medeý aýdandyq politsiia basqarmasynyń qyzmetkerleri uiymdastyrýshyǵa qatysty QR Ákimshilik quqyqbuzýshylyq týraly kodeksiniń "Usaq buzaqylyq" baby boiynsha ákimshilik is qozǵady", - dep jazylǵan Almaty PD habarlamasynda.
Almaty qalasynyń mamandandyrylǵan aýdanaralyq ákimshilik sotynyń sheshimimen quqyqbuzýshyǵa 20 ailyq eseptik kórsetkish mólsherinde ákimshilik aiyppul salynǵan.
