1 maýsym kúni Almatyda Halyqaralyq balalardy qorǵaý kúnine arnalǵan merekelik is-sharalar ótedi, dep habarlaidy dalanews.kz.
Merekelik baǵdarlama aiasynda Alataý aýdanyndaǵy 100 balaǵa tsirkke barý uiymdastyrylady.
Almaly aýdanynda saǵat 11:00-de Prokofev pen Dúisenov júrginshiler kósheleriniń qiylysynda Halyqaralyq balalardy qorǵaý kúnine arnalǵan merekelik kontsert ótedi.
Áýezov aýdanynda merekelik baǵdarlama saǵat 10:00-de Family Park-ta (Ótegen batyr kóshesi, 57A) fleshmob pen alyp qýyrshaqtar jáne ertegi keiipkerleriniń sherýimen bastalady. Saǵat 11:00-de osy jerde N. Sats atyndaǵy teatr balalarǵa arnalǵan teatrlandyrylǵan oiyn-saýyq baǵdarlamasyn usynady. Saǵat 11:40-ta Halyqaralyq balalardy qorǵaý kúnine arnalǵan saltanatty is-shara ótedi. Sonymen qatar saǵat 11:00-de «Saryarqa» skverinde (4-shaǵynaýdan) «Sport dostyq alańy» aktsiiasy aiasynda dziýdo jáne asyq atýdan týrnirler, sondai-aq baǵaly syilyqtar tabystalatyn sporttyq mereke uiymdastyrylady. Saǵat 14:00-de Politehnikalyq kolledjde «Parasatty azamat» taqyrybyndaǵy «Urpaqtar sabaqtastyǵy» tennis týrniri ótedi. Al saǵat 10:00-de №141 jalpy bilim beretin mektep bazasynda (Jetisý-2 shaǵynaýdany, 8V) mektepke deiingi bilim berý uiymdarynyń tárbielenýshileri qatysatyn «Juldyzdy sát» qalalyq festivali uiymdastyrylady.
Bostandyq aýdanynda halyqtyń áleýmettik osal sanatyndaǵy balalarǵa arnalǵan arnaiy merekelik baǵdarlama ázirlengen. 30 mamyr men 2 maýsym aralyǵynda az qamtylǵan jáne kópbalaly otbasylardan shyqqan balalar, sondai-aq erekshe qajettiligi bar balalar tsirkke, haiýanattar baǵyna, «Fantasy World» oiyn-saýyq saiabaǵyna, Á. Qasteev atyndaǵy Memlekettik óner mýzeiine, qýyrshaq teatry men kinoteatrlarǵa tegin bara alady.
Jetisý aýdanynda «Gúlder» saiabaǵynda (Serikov kóshesi, 6A) saǵat 10:00-de shamamen 500 qatysýshyny qamtityn Damu Bala Fest festivali ótedi. Sonymen qatar aýdanda «Kitap áleminde» chellendji aiasynda qazaqstandyq jazýshylarmen kezdesýler, mánerlep oqý baiqaýlary jáne súiikti kitaptardy talqylaý uiymdastyrylady.
Medeý aýdanynda saǵat 10:00-de Oqýshylar saraiynyń ortalyq alańynda «Shattyqqa toly balalyq» merekelik is-sharasy ótedi. Saǵat 15:00-de Qazaq memlekettik filarmoniiasynda shamamen 500 balaǵa arnalǵan «Ǵajaiyp balalar álemi» gala-kontserti uiymdastyrylady. Sonymen qatar 400-ge jýyq bala úshin tegin ekskýrsiialar men mádeni-oiyn-saýyq baǵdarlamalary ótkiziledi.
Naýryzbai aýdanynda birqatar merekelik is-shara josparlanǵan. Shuǵyla shaǵynaýdany, 347 mekenjaiyndaǵy amfiteatrda saǵat 15:00-de «Shyńǵa órle, biikke samǵa!» áleýmettik klýbynyń qatysýymen Halyqaralyq balalardy qorǵaý kúnine arnalǵan merekelik kontsert ótedi. Sonymen qatar balalarǵa arnalǵan kino kórsetilimi uiymdastyrylady. Al Innovatsiialyq shyǵarmashylyq ortalyǵynda (Shuǵyla shaǵynaýdany, 347/4) Memlekettik qýyrshaq teatry teatr ónerin nasihattaýǵa jáne balalardyń mádeni demalysyn uiymdastyrýǵa baǵyttalǵan kontserttik baǵdarlamasyn usynady.
Túrksib aýdanynda «Taza Qazaqstan» ekologiialyq tujyrymdamasy aiasynda sýdaǵy qaýipsizdik pen jol qozǵalysy erejelerine arnalǵan «Balalyq shaq dosy» aýdandyq taqyryptyq chellendji ótedi. Is-shara saǵat 10:00-de №59 mektep-gimnaziiasynda uiymdastyrylady. Osy kúni saǵat 10:00-de Saýranbaev kóshesindegi Arbatta «Balalyq shaq» aýdandyq merekesi ótedi.
Sondai-aq, bul kúni mektep janyndaǵy lagerlerdiń ashylýy, oqýshylardyń fotokollajdary men sándik-qoldanbaly óner buiymdarynyń kórmeleri uiymdastyrylady.
