Almaty haiýanattar baǵyndaǵy arystan kelýshilerdiń orynsyz áreketinen taǵy da zardap shekti. Qonaqtardyń biri janýardyń nazaryn aýdarmaq bolyp, oǵan tas laqtyrǵan. Oqiǵa videoǵa túsip qalǵan, dep habarlaidy dalanews.kz.
Haiýanattar baǵynyń ákimshiligi janýarlar oiyn-saýyq quraly emes ekenin eske saldy. Mamandardyń aitýynsha, mundai áreketter janýarlarǵa kúizelis týdyryp, densaýlyǵyna keri áser etýi múmkin.
Sondai-aq, haiýanattar baǵynda janýarlarǵa kez kelgen zat laqtyrýǵa, qorshaýdy urýǵa, olardy ádeii mazalaýǵa jáne tiisýge qatań tyiym salynǵan.
Oqiǵadan keiin ákimshilik beinebaqylaý kameralaryndaǵy jazbalardy jinap, materialdardy politsiiaǵa joldaǵan. Qazir quqyq qorǵaý organdary bul jaǵdaidy qarap jatyr.
