«Almaty aqshamy» gazetiniń ujymy jyl boiy atqarǵan qajyrly eńbegin aitýly jetistikpen túiindedi. Basylym «Qazaqstandaǵy Jyl tańdaýy» (№1 Choice of the Year in Kazakhstan) ulttyq jobasy aiasynda «Memlekettik tildegi respýblikalyq qoǵamdyq-saiasi gazet» nominatsiiasynyń jeńimpazy atandy, dep habarlaidy Dalanews.kz.
Bul marapat jyl ishinde sapasy, yqpaly jáne el ishindegi bedeli eń joǵary dep tanylǵan brendter men jobalarǵa tabystalady.
Saltanatty rásim barysynda «Alatau aqparat» mediaholdinginiń Bas direktory Erjan Qalymbaiuly bul jeńistiń mańyzyn atap ótti.
«Jobanyń uiymdastyrýshylaryna jáne bizdi baǵalaǵan barsha jurtqa alǵysymyzdy bildiremiz. “Almaty aqshamy”-nyń “Myń jasaǵan shahardyń shamshyraǵy” dep atalýy tegin emes. Bul basylym otandyq jýrnalistikada, qazaq rýhaniiatynda ózindik orny bar gazet. Osynda qazaqtyń talai marqasqalary eńbek etip, qoltańbasyn qaldyrdy. Búginde zaman talabyna sai úlken transformatsiialar jasap, jańa bet-beinemizdi qalyptastyryp kelemiz. Elimizdegi eń bedeldi baiqaýdyń júldesi bizge buiyrýy – aldaǵy ýaqytta da ujymǵa úlken shabyt beredi», – dedi ol.
Aita keteiik, «Almaty aqshamy» gazetiniń jaryq kórip kele jatqanyna 37 jyl toldy. Basylymdy tek almatylyqtar ǵana emes, respýblika turǵyndary men sheteldik oqyrmandar da turaqty túrde oqidy.
