20 tamyzdan bastap marketpleister arqyly smartfon satyp alatyn qazaqstandyqtar úshin jańa talaptar kúshine enedi, dep habarlaidy dalanews.kz.
Jańa erejege sáikes marketpleister tek verifikatsiiadan ótken qurylǵylardy satýǵa mindetti. Satyp alǵannan keiin smartfonnyń verifikatsiiadan ótpegeni anyqtalsa, tutynýshy ony sapasyz taýar retinde zańnamada belgilengen tártippen satýshyǵa qaitara alady.
Taǵy bir ózgeris - satyp almas buryn satýshy qurylǵynyń IMEI kodtaryn usynýǵa mindetti. Bul satyp alýshyǵa smartfonnyń mártebesin aldyn ala tekserýge múmkindik beredi.
Taýardy qabyldamas buryn barlyq IMEI kodty imei.rfs.gov.kz saity nemese eGov mobile qosymshasyndaǵy "Abonenttik qurylǵynyń IMEI kodyn tekserý" qyzmeti arqyly tekserý usynylady. Qurylǵynyń mártebesi "Sátti verifikatsiialanǵan" bolýǵa tiis.
Tekserý kezinde "Jelide burynnan tirkelgen" degen mártebe shyqsa, bul smartfon basqa paidalanýshynyń atyna tirkelgenin bildiredi. Jańa qurylǵyda mundai mártebe bolmaýy kerek. Sondyqtan keiin qiyndyq týyndamas úshin mundai smartfondy satyp alýdan bas tartqan jón.
