Qazaqstan Respýblikasy Konstitýtsiialyq Sotynyń normativtik qaýlysyna anyqtamalyq aqparat berdi, dep habarlaidy dalanews.kz.
Qazaqstan Respýblikasynyń Konstitýtsiialyq Soty Qazaqstan Respýblikasy Prezidentiniń 2026 jylǵy 15 naýryzdaǵy Qazaqstan Respýblikasy Konstitýtsiiasynyń 43-baby 1-tarmaǵynyń, 72-baby 2 jáne 3-tarmaqtarynyń, 83-baby 1-tarmaǵynyń jáne 84-baby 3-tarmaǵynyń erejelerin:
«laýazymyn 1995 jylǵy 30 tamyzdaǵy Qazaqstan Respýblikasynyń Konstitýtsiiasyna sáikes atqaryp kele jatqan adamdar 2026 jylǵy 15 naýryzdaǵy Qazaqstan Respýblikasy Konstitýtsiiasynyń 43-baby 1-tarmaǵynda, 72-baby 2 jáne 3-tarmaqtarynda, 83-baby 1-tarmaǵynda, 84-baby 3-tarmaǵynda kórsetilgen qyzmetke sailana ala ma ne laýazymǵa taǵaiyndala ala ma?» degen suraqqa jaýap berip, resmi túsindirý týraly ótinishin qarady.
Konstitýtsiialyq Sot atalǵan konstitýtsiialyq normalardyń mazmunynan olarda belgilengen shekteýler adamnyń tiisti qyzmetke aldyńǵy sailaný ne laýazymǵa aldyńǵy taǵaiyndalý faktisimen qoldanystaǵy Konstitýtsiiada jáne soǵan sáikes qabyldanǵan normativtik quqyqtyq aktilerde kózdelgen tártipte ǵana bailanysty bolatyny shyǵady dep atap ótti.
Konstitýtsiianyń 43-babynyń 1-tarmaǵynda, 72-babynyń 2 jáne 3-tarmaqtarynda, 83-babynyń 1-tarmaǵynda jáne 84-babynyń 3-tarmaǵynda belgilengen shekteýler qoldanylǵan jaǵdaida 1995 jylǵy Negizgi Zań qoldanysta bolǵan kezeńde tiisti laýazymdarda bolý merzimderin, sondai-aq qyzmetke sailaý ne laýazymǵa taǵaiyndaý faktilerin esepke alýdy kózdeitin erejelerdi Konstitýtsiia qamtymaidy.
Demek, adamnyń atalǵan laýazymdardyń birin 1995 jylǵy Konstitýtsiia qoldanysta bolǵan kezeńde atqarý faktisi Qazaqstan Respýblikasynyń Konstitýtsiiasy 2026 jylǵy 1 shildeden bastap kúshine engennen keiin ony tiisti qyzmetke sailaýǵa ne laýazymǵa taǵaiyndaýǵa Negizgi Zańda kózdelgen konstitýtsiialyq-quqyqtyq kedergi bolyp tabylmaidy.
Prezidenttiń ótinishin qaraý qorytyndysy boiynsha Konstitýtsiialyq Sot resmi túsindirý berdi: 2026 jylǵy Konstitýtsiianyń 43-babynyń 1-tarmaǵyn, 72-babynyń 2 jáne 3-tarmaqtaryn, 83-babynyń 1-tarmaǵyn jáne 84-babynyń 3-tarmaǵyn osy konstitýtsiialyq normalarda atalǵan laýazymdardy 1995 jylǵy Konstitýtsiiaǵa sáikes atqaryp júrgen adamdar 2026 jylǵy Konstitýtsiia kúshine engennen keiin tiisti qyzmetke sailanýy ne laýazymǵa taǵaiyndalýy múmkin dep túsiný kerek.
Atalǵan konstitýtsiialyq normalarda belgilengen shekteýlerdi qoldaný maqsaty turǵysynan mundai adamdardyń 2026 jylǵy Konstitýtsiia kúshine engennen keiin tiisti qyzmetke sailanýy ne laýazymǵa taǵaiyndalýy alǵash ret sailaný ne taǵaiyndalý dep esepteledi.
