Almaty qalasy kásipkerlik jáne ınvestısıalar basqarmasynyń deregi boıynsha búginde 29 ınvestısıalyq joba boıynsha qurylys qyzý júrip jatyr.
Almatynyń ındýstrıalyq aımaǵy – iri ónerkásiptik jáne óndiristik bıznes jobalarǵa arnalǵan aýmaq. Munda 88 kompanıa ornalasyp, 11 myń jumys orny ashylǵan.
Aıta keteıik «Almaty ındýstrıalyq aımaǵy» JSHS qatysýshylaryna bıznesti memlekettik qoldaý aıasynda mynadaı múmkindikterdi usynady:
1) Investısıalyq jobany satyp alý jáne aýksıonnan ótý qajettiliginsiz ony iske asyrýǵa jer ýchaskesin alý.
2) 2068 jylǵa deıin jer ýchaskesiniń uzaq merzimdi qosalqy jaldaýyn nemese ony kadastrlyq quny boıynsha satyp alýdy resimdeý (1 ga úshin 42 mln teńge).
Bul rette, ınvestor mynadaı artyqshylyqtardy paıdalanady:
- Infraqurylymdy salý shyǵyndaryn azaıtý
- Qatań salalyq baılanystyń bolmaýy
- Almaty ındýstrıalyq aımaǵynyń jumys isteý merzimine baılanysty jer ýchaskesin jalǵa alý múmkindigi (2068 jylǵa deıin)
- Ruqsat qujattamasyn alýǵa qoldaý kórsetý jáne kómek kórsetý
- Indýstrıalyq aımaq aýmaǵynda daıyn ınfraqurylymnyń bolýy (gazben jabdyqtaý, sýmen jabdyqtaý jáne sýmen qamtý, elektrmen jabdyqtaý, nóser kárizi, TJ stansıasy jáne TJ júris joldary, talshyqty-optıkalyq baılanys jelileri)
- 2 mıllıon halqy bar qala aýmaǵyndaǵy eń iri ónimdi ótkizý naryǵy.
Sonymen qatar «Almaty Business 2025» biryńǵaı óńirlik baǵdarlamasy aıasynda Almaty ındýstrıalyq aımaǵynyń ınvestory ınvestısıalyq jobalardy júzege asyrýǵa deıin súıemeldeý, ruqsat qujattaryn alý jáne bankterde qaryzdar boıynsha keńes alý túrindegi memlekettik járdem alady.
2023 jyly qazanda Almaty ındýstrıalyq aımaǵynyń óndiristik keshenderi úshin mamandar daıarlaıtyn ınovasıalyq tehnıkalyq kolejdiń qurylysyna bólingen aýmaqta jumys bastaldy. Bul Almaty ındýstrıalyq aımaǵyndaǵy jalpy quny 9 mlrd teńge bolatyn basym jobalardyń biri.
