الماتى قالاسى كەسٸپكەرلٸك جەنە ينۆەستيتسييالار باسقارماسىنىڭ دەرەگٸ بويىنشا بٷگٸندە 29 ينۆەستيتسييالىق جوبا بويىنشا قۇرىلىس قىزۋ جٷرٸپ جاتىر.
الماتىنىڭ يندۋسترييالىق ايماعى – ٸرٸ ٶنەركەسٸپتٸك جەنە ٶندٸرٸستٸك بيزنەس جوبالارعا ارنالعان اۋماق. مۇندا 88 كومپانييا ورنالاسىپ, 11 مىڭ جۇمىس ورنى اشىلعان.
ايتا كەتەيٸك «الماتى يندۋسترييالىق ايماعى» جشس قاتىسۋشىلارىنا بيزنەستٸ مەملەكەتتٸك قولداۋ اياسىندا مىناداي مٷمكٸندٸكتەردٸ ۇسىنادى:
1) ينۆەستيتسييالىق جوبانى ساتىپ الۋ جەنە اۋكتسيوننان ٶتۋ قاجەتتٸلٸگٸنسٸز ونى ٸسكە اسىرۋعا جەر ۋچاسكەسٸن الۋ.
2) 2068 جىلعا دەيٸن جەر ۋچاسكەسٸنٸڭ ۇزاق مەرزٸمدٸ قوسالقى جالداۋىن نەمەسە ونى كاداسترلىق قۇنى بويىنشا ساتىپ الۋدى رەسٸمدەۋ (1 گا ٷشٸن 42 ملن تەڭگە).
بۇل رەتتە, ينۆەستور مىناداي ارتىقشىلىقتاردى پايدالانادى:
- ينفراقۇرىلىمدى سالۋ شىعىندارىن ازايتۋ
- قاتاڭ سالالىق بايلانىستىڭ بولماۋى
- الماتى يندۋسترييالىق ايماعىنىڭ جۇمىس ٸستەۋ مەرزٸمٸنە بايلانىستى جەر ۋچاسكەسٸن جالعا الۋ مٷمكٸندٸگٸ (2068 جىلعا دەيٸن)
- رۇقسات قۇجاتتاماسىن الۋعا قولداۋ كٶرسەتۋ جەنە كٶمەك كٶرسەتۋ
- يندۋسترييالىق ايماق اۋماعىندا دايىن ينفراقۇرىلىمنىڭ بولۋى (گازبەن جابدىقتاۋ, سۋمەن جابدىقتاۋ جەنە سۋمەن قامتۋ, ەلەكترمەن جابدىقتاۋ, نٶسەر كەرٸزٸ, تج ستانتسيياسى جەنە تج جٷرٸس جولدارى, تالشىقتى-وپتيكالىق بايلانىس جەلٸلەرٸ)
- 2 ميلليون حالقى بار قالا اۋماعىنداعى ەڭ ٸرٸ ٶنٸمدٸ ٶتكٸزۋ نارىعى.
سونىمەن قاتار «Almaty Business 2025» بٸرىڭعاي ٶڭٸرلٸك باعدارلاماسى اياسىندا الماتى يندۋسترييالىق ايماعىنىڭ ينۆەستورى ينۆەستيتسييالىق جوبالاردى جٷزەگە اسىرۋعا دەيٸن سٷيەمەلدەۋ, رۇقسات قۇجاتتارىن الۋ جەنە بانكتەردە قارىزدار بويىنشا كەڭەس الۋ تٷرٸندەگٸ مەملەكەتتٸك جەردەم الادى.
2023 جىلى قازاندا الماتى يندۋسترييالىق ايماعىنىڭ ٶندٸرٸستٸك كەشەندەرٸ ٷشٸن ماماندار دايارلايتىن يننوۆاتسييالىق تەحنيكالىق كوللەدجدٸڭ قۇرىلىسىنا بٶلٸنگەن اۋماقتا جۇمىس باستالدى. بۇل الماتى يندۋسترييالىق ايماعىنداعى جالپى قۇنى 9 ملرد تەڭگە بولاتىن باسىم جوبالاردىڭ بٸرٸ.
