Jobany eki operator júzege asyrady. Máselen, «Qazaqtelekom» AQ Internetke saralanǵan ári symsyz qoljetkizý úshin FWA (Fixed Wireless Access) jelisiniń qurylysyn júrgizýde. Bul tehnologiia jeke sektor men qala mańyndaǵy eldi mekender úshin óte tiimdi.
Búginde kompaniia Alataý aýdanynyń Alǵabas shaǵyn aýdanynda jelini iske qosýdy aiaqtady. Alǵashqy turǵyndar úilerin internetke qosýdy bastady. Sondai-aq, Túrksib aýdanynyń Ójet, Buryndai, Terekti, Naýryzbai aýdanynyń Taýsamaly, Álmerek jáne Nurshashqan shaǵyn aýdandary FWA júiesimen qamtylady. Osy jyldyń sońyna deiin 2 myńǵa jýyq abonentti qamtý josparlanýda.
Budan basqa, qala ákimdigi «Meganet» JShS kompaniiasymen birlesip, qalanyń shetinde oranlasqan shaǵyn aýdandardyń turǵyndaryn joǵary jyldamdyqty internetke qosý boiynsha jumysty jalǵastyrýda. Munda talshyqty-optikalyq bailanys jelisiniń tehnologiiasy qoldanyldy.
Qazirgi kezde 1 586 abonent internetke qosylǵan, qosý kezeginde – 304 abonent. Atap aitqanda, Nurshashqan shaǵyn aýdanynda 349 úi , al myna shaǵyn aýdandarda: Tastybulaqta – 213; Taýsamalynda – 188; Aqjarda – 244; Qalqaman-2 de – 244; Qairatta – 205; Shuǵylada – 51; Dostyqta – 22; Aqbulaqta – 17; Qaraǵailyda 14 úi qosyldy.
Sonymen qatar, Alataý, Naýryzbai, Túrksib aýdandarynyń basqa da shaǵyn aýdandarynda telekommýnikatsiialyq infraqurylym qurylysy boiynsha belsendi jumystar júrgizilýde.
Turmysy tómen azamattardy qoldaý maqsatynda 57 otbasy, onyń ishinde áleýmettik jaǵdaiy tómen otbasylar, ómirlik qiyn jaǵdaiǵa tap bolǵan múmkindigi shekteýli qala turǵyndary tegin qosyldy. Naýryzbai aýdanynyń Aqjar shaǵyn aýdanyndaǵy balalarǵa arnalǵan «Amanat» áleýmettik internat-úii de internetke qosyldy.
Taǵy oqyńyz:
