جوبانى ەكى وپەراتور جۇزەگە اسىرادى. ماسەلەن، «قازاقتەلەكوم» اق ينتەرنەتكە سارالانعان ءارى سىمسىز قولجەتكىزۋ ءۇشىن FWA (Fixed Wireless Access) جەلىسىنىڭ قۇرىلىسىن جۇرگىزۋدە. بۇل تەحنولوگيا جەكە سەكتور مەن قالا ماڭىنداعى ەلدى مەكەندەر ءۇشىن وتە ءتيىمدى.
بۇگىندە كومپانيا الاتاۋ اۋدانىنىڭ العاباس شاعىن اۋدانىندا جەلىنى ىسكە قوسۋدى اياقتادى. العاشقى تۇرعىندار ۇيلەرىن ينتەرنەتكە قوسۋدى باستادى. سونداي-اق، تۇركسىب اۋدانىنىڭ وجەت، بۇرىنداي، تەرەكتى، ناۋرىزباي اۋدانىنىڭ تاۋسامالى، المەرەك جانە نۇرشاشقان شاعىن اۋداندارى FWA جۇيەسىمەن قامتىلادى. وسى جىلدىڭ سوڭىنا دەيىن 2 مىڭعا جۋىق ابونەنتتى قامتۋ جوسپارلانۋدا.
بۇدان باسقا، قالا اكىمدىگى «Meganet» ج ش س كومپانياسىمەن بىرلەسىپ، قالانىڭ شەتىندە ورانلاسقان شاعىن اۋدانداردىڭ تۇرعىندارىن جوعارى جىلدامدىقتى ينتەرنەتكە قوسۋ بويىنشا جۇمىستى جالعاستىرۋدا. مۇندا تالشىقتى-وپتيكالىق بايلانىس جەلىسىنىڭ تەحنولوگياسى قولدانىلدى.
قازىرگى كەزدە 1 586 ابونەنت ينتەرنەتكە قوسىلعان، قوسۋ كەزەگىندە – 304 ابونەنت. اتاپ ايتقاندا، نۇرشاشقان شاعىن اۋدانىندا 349 ءۇي ، ال مىنا شاعىن اۋدانداردا: تاستىبۇلاقتا – 213؛ تاۋسامالىندا – 188؛ اقجاردا – 244؛ قالقامان-2 دە – 244؛ قايراتتا – 205؛ شۇعىلادا – 51؛ دوستىقتا – 22؛ اقبۇلاقتا – 17؛ قاراعايلىدا 14 ءۇي قوسىلدى.
سونىمەن قاتار، الاتاۋ، ناۋرىزباي، تۇركسىب اۋداندارىنىڭ باسقا دا شاعىن اۋداندارىندا تەلەكوممۋنيكاسيالىق ينفراقۇرىلىم قۇرىلىسى بويىنشا بەلسەندى جۇمىستار جۇرگىزىلۋدە.
تۇرمىسى تومەن ازاماتتاردى قولداۋ ماقساتىندا 57 وتباسى، ونىڭ ىشىندە الەۋمەتتىك جاعدايى تومەن وتباسىلار، ومىرلىك قيىن جاعدايعا تاپ بولعان مۇمكىندىگى شەكتەۋلى قالا تۇرعىندارى تەگىن قوسىلدى. ناۋرىزباي اۋدانىنىڭ اقجار شاعىن اۋدانىنداعى بالالارعا ارنالعان «امانات» الەۋمەتتىك ينتەرنات-ۇيى دە ينتەرنەتكە قوسىلدى.
تاعى وقىڭىز:
