Almatynyń kógaldandyrý jumystary halyq densaýlyǵyn nyǵaitaýda
– Qazirgi júrgizilip jatqan kógaldandyrý jumystary eń aldymen qoǵam densaýlyǵyn qalyptastyrýdaǵy igi isterdiń biri dep bilemin. Dúniejúzilik densaýlyq saqtaý uiymynyń baǵdarlamasynda «Deni saý qalalar» degen túsinik bar. Iaǵni, onda halyqtyń densaýlyǵyn kúsheitýge baǵyttalǵan úlken sharalar qamtylady. Ol baǵdarlamanyń ózindik talap, qaǵidalary bar.
Saý qala bolýǵa bet burǵan elderdiń barlyǵy eń birinshi osy kógaldandyrý jumystaryna kóńil bóledi. Sonymen qatar ýly qaldyqtar bóletin avtokólikterdi azaityp, gazben júretin kólikterge almastyrýdy kózdeidi.
Óitkeni, onyń bári qalanyń ekologiiasyna, adamnyń densaýlyǵyna asa qaýipti ekeni belgili. Sáikesinshe, densaýlyqty nyǵaitýǵa, halyqtyń belsendiligin arttyrýǵa jaǵdai jasaý qaǵida retinde qalyptasqan. Dúniejúzilik densaýlyq saqtaý uiymynyń negizgi baǵyty da – osy.
Dál osy maqsatta densaýlyq saqtaý mamandary jylyna bir ret bas qosyp, qala ákimderimen birlesip jospar qura otyryp, jumys jasaidy. Sebebi, kógaldandyrý jumystary – tek qalany, qorshaǵan ortany kórkeitý ǵana emes, bul jalpy halyqtyń densaýlyǵyn qalyptastyrýǵa baǵyttalǵan eń negizgi isterdiń biri, – dep bilikti maman oiyn ortaǵa saldy.
