Basqarma jyl basynan beri 230 jospardan tys tekserý júrgizip, eńbek zańnamasy normalary boiynsha 294 zań buzýshylyqty anyqtap, olardy joiý úshin 159 uiǵarym shyǵarǵan.
– 20,4 mln teńge somasyna 112 zańdy tulǵa ákimshilik jaýapkershilikke tartyldy. Jalaqyny ýaqtyly tólemegeni úshin 13,3 mln teńge somasyna 82 zańdy tulǵa ákimshilik jaýapkershilikke tartyldy, – dedi spiker.
Sonymen qatar basqarma qyzmetkerleri qaladaǵy kásiporyndar arasynda Eńbek zańnamasynyń normalaryn túsindirý úshin 1 716 adamnyń qatysýymen 82 kezdesý ótkizgen. 451 azamatqa eńbek zańnamasynyń normalary boiynsha túsiniktemeler berilipti.
177 kásiporynda 116,4 mln teńge somasyna jalaqy boiynsha bereshek óteldi, osylaisha 764 qyzmetkerdiń eńbek quqyqtary qorǵalǵan.
– Qala kásiporyndarynda jasalǵan 27 551 Ujymdyq sharttyń (2023 jyldyń basynan bastap 100 KD) monitoringi men tirkeýi júzege asyryldy, – dep tolyqtyrdy Erkinbek Ámirǵaliev.
Qala kásiporyndarynda óndiriske bailanysty 30 jazataiym oqiǵa anyqtalyp, tirkeldi. Zardap shekkenderdiń sany – 31, onyń ishinde 4 adam ólim qushty, 9 adam aýyr jaraqat alsa, 18 adam jeńil jaraqat alǵan.
Bas eńbek inspektorynyń derekteri boiynsha Almatyda jumys istep turǵan 113 916 kásiporyn bar, jaldamaly qyzmetkerler sany – 897 925 adamdy quraidy.
