Almaty soty qalanyń burynǵy bas sáýletshisi Almashan Ahmedjanov qatysty bultartpaý sharasyn ózgertip, úıqamaqqa aýystyrý týraly ótinishti qanaǵattandyrmady, dep habarlaıdy Dalanews.kz.
Sot otyrysynda advokattar Sársenov pen Ótebaev Ahmedjanovty úıqamaqqa nemese basqa da jeńildetilgen bultartpaý sharasyna aýystyrý týraly ótinish bildirgen. Olar muny aıyptalýshynyń eki jyl segiz aıdan astam ýaqyttan beri qamaýda otyrǵanymen túsindirdi.
Sonymen qatar, ózge aıyptalýshylar Ardak Samambetov, Erlan Jarmuhanbetov jáne Almazhan Bakırov qorǵaýshylary da bultartpaý sharasyn ózgertip, qylmystyq isti toqtatýdy surady.
Alaıda sot bul ótinishterdi qoldamady.
Aıta keteıik, 2026 jylǵy 25 aqpanda apelásıalyq ınstansıa 2025 jylǵy 17 aqpanda shyǵarylǵan úkimniń kúshin joıǵan. İs qylmystyq-prosestik zańnamadaǵy eleýli buzýshylyqtardy joıý úshin prokýratýraǵa qaıtarylǵan.
