Almatynyń Túrksib aýdanyndaǵy gaz qubyrynyń jarylýyna bailanysty politsiia tergeý amaldaryn bastady. Qazirgi tańda gaz qubyry qalpyna keltirilgen, dep habarlaidy Dalanews.kz.
Almatynyń Túrksib aýdanyndaǵy káriz qubyrlaryn óz betinshe tóseý barysynda búlingen ortasha qysymdy jerasty gaz qubyry kommýnaldyq qyzmettiń jedel is-qimylynyń arqasynda qalpyna keltirildi. Ol «Ý Asimy» mekemesine káriz qubyrlaryn óz betinshe tartý barysynda zaqymdanǵan.
Jeke tulǵalar qalalyq qyzmetterdiń kelisiminsiz túnde asfaltty tesip, gaz qubyryn zaqymdaǵan. Áýesqoi ári jaýapsyz áreketterdiń saldarynan birneshe qazandyqtyń jumysy toqtatyldy.
Jóndeý-qalpyna keltirý jumystaryna «QazaqGaz Aimaq» AQ-nyń 150 jumysshysy men 6 tehnika birligi jumyldyryldy. Tutynýshylardyń bir bóligin úzdiksiz jylýmen qamtamasyz etý maqsatynda «ATKE» JShS-niń «Áýejai» qazandyǵy májbúrli túrde rezervtik otyn – mazýtqa aýystyryldy.
Saǵat 14:00-degi jaǵdai boiynsha gaz qubyryndaǵy aqaý joiyldy. Mamandar júiege qysym synaǵyn júrgizedi, sodan keiin tutynýshylardyń qaýipsizdigin qamtamasyz etý maqsatynda árbir úige baryp, gazdy kezeń-kezeńimen qosý jumystaryn júrgizedi.
Almatynyń qala qurylysy baqylaý basqarmasy bul fakt boiynsha jospardan tys tekserý jumystaryn bastady. Sonyń nátijesinde ákimshilik sharalar qabyldanyp, zańbuzýshylyqtardy joiý týraly nusqama beriledi.
Sonymen qatar, buzýshylyq saldaryn joiýǵa ketken barlyq shyǵyn kináli tulǵaǵa júkteledi.
