Almaty Tótenshe jaǵdaılar departamenti jer silkingende halyqty eskertý júıesi nege jumys istemegenin túsindirdi, - dep habarlaıdy Dalanews.kz.
"Habardar etý júıeleri (mass alert) qarqyndylyǵy 5,5 bal jáne odan joǵary bolǵan kezde avtomat túrde iske qosylady. Búgingi jer silkinisi qala aýmaǵynda 3 bal boldy", - dep habarlady Tótenshe jaǵdaılar departamenti ókilderi.
Eske salaıyq, búgin almatylyqtar jer silkinisin sezdi.
QR TJM "SBZUǴO" JSHS seısmıkalyq stansıalar jelisimen 2024 jylǵy 5 qarashada Astana ýaqyty boıynsha 10.00 mınýt 30 sekýndta jer silkinisi tirkeldi.
"Jer silkinisiniń koordınattary: 43.261 s.e. 77.310 sh.b. Jer silkinisi oshaǵy Qazaqstan aýmaǵynda Almaty qalasynan shyǵysqa qaraı 33 km. jerde ornalasqan", - dep jazylǵan habarlamada.
Eseptik qarqyndylyǵy:
- Almaty qalasy 3 b.
- Talǵar 4 b.
- Esik 4 b.
- Túrgen 3.0 b.
- Ótegen-Batyr 3 b.
- Boraldaı 2 b. s.
- Malovodnoe 2b.
- J. Qaıypov 2 b.
- Alataý (Jetigen) 2 b.
- Qarasaı (Qaskeleń) 2 b.
Jer silkinisi kezindegi 10 qarapaıym qadam:
- Jer dúmpýi kezinde úreılenbeńiz;
- Jer silkiný kezinde lıft jáne baspaldaqpen qoldanbańyz;
- Jıhazdan, terezeden, ary turyńyz;
- Jasyrynatyn jerdi tabyńyz - joǵarǵy qabattarda negizgi irgeli qabyrǵalardyń buryshynda oryn alyp jasyryńyz;
- Ǵımarattan shyǵyńyz (tómengi qabattarda); - kóp qabatty úılerde jer silkis aıaqtalǵan soń ǵımarattan shyǵyńyz;
- Keter aldynda sýdy, gazdy, elektr qýatyn múmkindigińizshe óshirińiz;
- Dabyl jol sandyǵyn alyńyz (aldyn ala daıyndaý qajet);
- Elektr jelilerden , ǵımarat, aǵashtardan aýlaq bolyńyz;
- Jer silkinýine daıyn bolyńyz;
- Qart adamdarǵa, balalarǵa, múmkindigi shekteýli adamdarǵa kómek kórsetińiz.
