Almatylyq kásipker plastikalyq buiymdardy óndirý úshin 5 mln teńge grant utyp aldy
– Qazir bizben plastikten jasalǵan ónimderdi qajet etetin iri zaýyttar birge jumys istep jatyr. Litii mashinasy bir aýysymda 10 myń dana ónim shyǵarýǵa múmkindik beredi. Grant – bul kásipkerlerge memleket tarapynan kórsetilgen úlken qoldaý, – deidi kompaniia basshysy Irina Abasova.
Kompaniia 2015 jyly shaǵyn óndiristik tseh retinde qurylǵan. Olar baspaldaqtarǵa arnalǵan shtepselderdi, ónerkásiptik sorǵylarǵa arnalǵan bólshekterdi, jeke dizain boiynsha plitkalardy tegisteýge arnalǵan buryshtar men bekitpelerdi shyǵardy. Sonymen qatar, kompaniia kei ónimderin (fýtbol qaqpalaryna torlardy bekitýge arnalǵan bólshekter) Reseige eksportqa jiberdi.
– Biz kez kelgen óndiriske qyzmet kórsete alamyz. Birde iogi bizden arnaiy piramidalarǵa tapsyrys bergen, olardyń Almatyda úlken kongresi bolǵan. Taǵy bir kásipkerdiń ótinishi boiynsha «Qazaq handyǵy» oiynyn qurýshy úshin biz kiiz úi túrindegi músinderdi quidyq. Lokdaýn kezinde antiseptikterge arnalǵan tósemder shyǵardyq. Qytaida 5-10 myń dana bolatyn shaǵyn partiiaǵa tapsyrys bere almaisyz, onda mundai kólemde tapsyrys qabyldamaidy, – dedi Irina.
Jaqynda seriktesterdiń usynysy boiynsha «SCI Company» kompaniiasy Qazaqstannyń mashina jasaý qaýymdastyǵyna qosyldy. Kompaniianyń maqsaty úlken: óz brendimen jappai óndiristi iske qosý, iri zaýyt deńgeiine jetý. Al qazir kompaniia basshysy tapsyrystardyń joqtyǵyna shaǵymdanbaý kerek ekenin aitady, sebebi Qazaqstanda tapsyrys berýshige jaqsy servis usynyp, klienttermen kommýnikatsiia qura alatyn usaq óndirister áli de jetkiliksiz.
