الماتىلىق كەسٸپكەر پلاستيكالىق بۇيىمداردى ٶندٸرۋ ٷشٸن 5 ملن تەڭگە گرانت ۇتىپ الدى
– قازٸر بٸزبەن پلاستيكتەن جاسالعان ٶنٸمدەردٸ قاجەت ەتەتٸن ٸرٸ زاۋىتتار بٸرگە جۇمىس ٸستەپ جاتىر. ليتيي ماشيناسى بٸر اۋىسىمدا 10 مىڭ دانا ٶنٸم شىعارۋعا مٷمكٸندٸك بەرەدٸ. گرانت – بۇل كەسٸپكەرلەرگە مەملەكەت تاراپىنان كٶرسەتٸلگەن ٷلكەن قولداۋ, – دەيدٸ كومپانييا باسشىسى يرينا اباسوۆا.
كومپانييا 2015 جىلى شاعىن ٶندٸرٸستٸك تسەح رەتٸندە قۇرىلعان. ولار باسپالداقتارعا ارنالعان شتەپسەلدەردٸ, ٶنەركەسٸپتٸك سورعىلارعا ارنالعان بٶلشەكتەردٸ, جەكە ديزاين بويىنشا پليتكالاردى تەگٸستەۋگە ارنالعان بۇرىشتار مەن بەكٸتپەلەردٸ شىعاردى. سونىمەن قاتار, كومپانييا كەي ٶنٸمدەرٸن (فۋتبول قاقپالارىنا تورلاردى بەكٸتۋگە ارنالعان بٶلشەكتەر) رەسەيگە ەكسپورتقا جٸبەردٸ.
– بٸز كەز كەلگەن ٶندٸرٸسكە قىزمەت كٶرسەتە الامىز. بٸردە يوگي بٸزدەن ارنايى پيراميدالارعا تاپسىرىس بەرگەن, ولاردىڭ الماتىدا ٷلكەن كونگرەسٸ بولعان. تاعى بٸر كەسٸپكەردٸڭ ٶتٸنٸشٸ بويىنشا «قازاق حاندىعى» ويىنىن قۇرۋشى ٷشٸن بٸز كيٸز ٷي تٷرٸندەگٸ مٷسٸندەردٸ قۇيدىق. لوكداۋن كەزٸندە انتيسەپتيكتەرگە ارنالعان تٶسەمدەر شىعاردىق. قىتايدا 5-10 مىڭ دانا بولاتىن شاعىن پارتيياعا تاپسىرىس بەرە المايسىز, وندا مۇنداي كٶلەمدە تاپسىرىس قابىلدامايدى, – دەدٸ يرينا.
جاقىندا سەرٸكتەستەردٸڭ ۇسىنىسى بويىنشا «SCI Company» كومپانيياسى قازاقستاننىڭ ماشينا جاساۋ قاۋىمداستىعىنا قوسىلدى. كومپانييانىڭ ماقساتى ٷلكەن: ٶز برەندٸمەن جاپپاي ٶندٸرٸستٸ ٸسكە قوسۋ, ٸرٸ زاۋىت دەڭگەيٸنە جەتۋ. ال قازٸر كومپانييا باسشىسى تاپسىرىستاردىڭ جوقتىعىنا شاعىمدانباۋ كەرەك ەكەنٸن ايتادى, سەبەبٸ قازاقستاندا تاپسىرىس بەرۋشٸگە جاقسى سەرۆيس ۇسىنىپ, كليەنتتەرمەن كوممۋنيكاتسييا قۇرا الاتىن ۇساق ٶندٸرٸستەر ەلٸ دە جەتكٸلٸكسٸز.
