Almaty politsiiasy jariialanymnyń astynda jarylys jasaimyn dep qorqytqan er adamdy ustady, dep habarlaidy Dalanews.kz.
Dini birlestikterdiń qyzmetine qatysty jariialanymnyń astyna belgisiz qoldanýshy jarylys jasaý týraly qorqytý mazmundaǵy pikir qaldyrǵan.
Bul derek boiynsha «102» pýltine habarlama kelip tústi. Oǵan Almaty qalasy politsiia Departamentiniń Ekstremizmge qarsy kúres Basqarmasy qyzmetkerleri jedel áreket etti.
Júrgizilgen jedel is-sharalar nátijesinde pikir avtorynyń jeke basy anyqtaldy. Ol – 2004 jylǵy Almaty turǵyny bolyp shyqty. Er adam ustalyp, politsiia bólimshesine jetkizildi.
«Internette qaldyrylǵan bolsa da, kez kelgen qorqytý politsiia tarapynan qoǵamdyq qaýipsizdikke naqty qaýip retinde qaralady. Mundai «ázilderdiń» aýyr saldary bar. Ár habarlama muqiiat tekseriledi jáne kináliler zańǵa sáikes jaýapkershilikke tartylady», – dedi Almaty qalasy PD Ekstremizmge qarsy kúres Basqarmasynyń bastyǵy Ashat Dáýletiiarov.
Almaty politsiiasy azamattardy áleýmettik jelilerdi qoldanýda jaýapkershilik tanytýǵa jáne qorqytý nemese quqyqqa qaishy mazmundaǵy habarlamalardy jariialaýǵa ne taratýǵa jol bermeýge shaqyrady.
