Almatyda tramvai jelisin qaita iske qosý jospary qarastyrylyp jatyr. Bul týraly "Almatybasjospar" ǵylymi-zertteý institýtynyń bas direktory Ashat Sádýov aitty, dep habarlaidy Dalanews.kz.
Onyń aitýynsha, tramvai baǵyty burynǵy jolymen – "Barlyqtan" bastap Tóle bi kóshesi arqyly júrip, áýejaiǵa deiin sozylady.
"Bul batys pen shyǵysty bailanystyryp, qala turǵyndaryna 20 minýt ishinde júrip-turýǵa múmkindik beredi. Mundai tájiribe álemniń kóptegen qalasynda bar jáne ol ózin aqtaǵan sheshim", – dedi ol.
Qazir jobaǵa tehnikalyq-ekonomikalyq negizdeme ázirlenip jatyr. Eger EPC+F (jobalaý, qurylys jáne qarjylandyrý) tásili qoldanylsa, tramvaidy bes jyl ishinde iske qosýǵa bolady. Sádýovtyń aitýynsha, qurylys merzimi sozylǵan saiyn shyǵyn da artady, sondyqtan investorlardy tartý mańyzdy.
Almatyda tramvailar 2015 jyldan beri júrmeidi.
