Almatynyń týrizm salasy qarqyndy damyp keledi. 2025 jyldyń alǵashqy toqsanynda megapoliske 496 944 adam kelgen, bul ótken jyldyń osy kezeńimen salystyrǵanda 4,9% kóp. Bul týraly qalanyń týrizm basqarmasy málimdedi, dep habarlaidy Dalanews.kz
Týrister sany sheteldik meimandar esebinen ósip otyr. Olar bir jyl ishinde 18%-ǵa kóbeiip, 2024 jyldyń alǵashqy toqsanyndaǵy 122 859 adamnyń ornyna 145 058 adamǵa jetti.
Týrister leginiń artýy Úndistan (+73,4%), Qytai (+39,3%), Túrkiia (+24%), Birikken Arab Ámirlikteri (+47,8%) jáne Malaiziia (ósim - 5,7 ese) syndy elderden baiqaldy.
Almatynyń týristik áleýetine degen qyzyǵýshylyqty álemdik deńgeidegi aitýly reitingter de rastaidy. 2025 jyly qala CNN arnasynyń nusqasy boiynsha úzdik týristik baǵyttar qataryna ense, Booking.com nusqasy boiynsha jyldyń eń tanymal baǵyttarynyń biri retinde ataldy.
Almaty álemdik týristik keńistikte erekshe orny bar qala retinde tanytyp keledi. Tumsa tabiǵat, tereń tarihi-mádeni mura, zamanaýi infraqurylym men qazaq halqynyń qonaqjailyǵy bul shahardy ózgelerden daralap kórsetedi.
