Tótenshe jaǵdaılar mınıstri Syrym Sháriphanov Almatyda oryn alǵan jer silkinisine baılanysty qurylymdyq jáne aýmaqtyq bólimshelerdiń jumystaryna syn aıtty, dep habarlaıdy Dalanews.kz.
Sonymen qatar mınıstr seısmıkalyq qurylymdardyń álsiz jumysyna da toqtalyp ótti. Onyń ishinde azamattardy keleńsiz jaıttan habardar etý, aqparattandyrý jáne oqytý jónindegi qyzmetke baılanysty shaǵymdary da boldy. Osy tusta mınıstr jer silkinisi kezinde is-qımyldardy túsindirý boıynsha halyqpen jumysty kúsheıtýdi tapsyrdy. Qala berdi elimizdiń barlyq óńirinde bar habarlandyrý júıesin iske qosý algorıtmin jetildirýdi tapsyrdy.
"Azamattardy seısmıkalyq jattyǵýlarǵa tartýdyń jańa sharalaryn qoldaný kerek. Oqytý sabaqtyń jańa ádisterin qoldana otyryp, shynaıy jaǵdaıǵa jaqyn júrgizilýi qajet. Eskertý men oqytý sapaly ári maqsatty bolýy kerek", - dedi Syrym Sháriphanov.
