Premer-ministr Oljas Bektenov Májilis depýtaty Baqytjan Bazarbektiń saýalyna resmi jaýap berdi. Buǵan deiin depýtat Almatynyń taý bókterinen jer berýdiń zańdylyǵy men qurylystyń nysanaly maqsatynyń ózgerýine qatysty tekseris júrgizýdi talap etken bolatyn, dep habarlaidy Dalanews.kz.
Baqytjan Bazarbek tyiymǵa qaramastan qala mańyndaǵy taý jotalary kesilip, elitalyq kottedjder salynyp jatqanyn málimdedi. Onyń aitýynsha, muzdyqtar men morenalyq kólder erise, Almatyǵa úlken apat tónýi múmkin. Sondai-aq, ol ruqsatsyz salynǵan 40 qabatty ǵimarat pen basqa da turǵyn úi keshenderin atap ótti. Depýtattyń sózinshe, keibir nysandardy buzý týraly sot sheshimderi jyldar boiy oryndalmai keledi. Sondyqtan ol baqylaýdy kúsheitip, zańsyz qurylystardy toqtatýdy talap etti.
Al Oljas Bektenovtyń aitýynsha, taýly aimaqtaǵy jer ýchaskelerin buǵan deiin Almaty oblysynyń Qarasai jáne Talǵar aýdandary ákimdikteri bergen, al 1998–2014 jyldary bul aýmaq Almatynyń quramyna qosylǵan. 2021 jyldan beri jańa ýchaskeler bólinbegen.
"Qazir Almaty qalasynyń Jer resýrstaryn basqarý departamenti 25 jer ýchaskesine qatysty tekseris júrgizip jatyr. Bul olardyń berilý zańdylyǵyn anyqtaýǵa jáne tiisti shara qoldanýǵa baǵyttalǵan", – dedi premer-ministr.
Sonymen qatar, Qala qurylysyn baqylaý basqarmasy zańsyz qurylys júrgizgenderge ákimshilik sharalar qoldanyp jatyr.
Jekelegen nysandarǵa qatysty derekter:
-
"Beverli Hills" kottedj qalashyǵy ruqsat qujattary negizinde paidalanýǵa berilgen (2021–2022 jj.);
-
Kólsai shaǵynaýdanyndaǵy birqatar ýchaskege ruqsat berilmegen, kei nysandar ishinara paidalanýǵa berilgen;
-
"Gornyi gigant" 554 ýchaskesinde joba qujattamasy joq, qurylys salýshyǵa shara qoldanylyp, sotqa súrý týraly talap joldanǵan;
-
"Gornyi gigant", 20A ýchaskesine turǵyn úi keshenin salýǵa ruqsat berilgen (2021 j.);
-
Prime Park TK boiynsha zańbuzýshylyqtar joiylyp, talaptar oryndalǵan;
-
"Monblan" jáne "Shveitsariia" turǵyn úilerine qatysty sot nysandardy súrý týraly sheshim shyǵarǵan, onyń oryndalýy ádilet organdarynyń baqylaýynda.
2025 jyly Almatynyń Ádilet departamentiniń óndirisinde 35 is bolǵan, onyń 20-sy oryndalǵan (57%). Birqatar nysan tolyq nemese ishinara buzylǵan.
Bektenov 4 tamyzda Almatynyń joǵarǵy bóliginde kópqabatty úiler salýǵa moratorii engizilgenin eske saldy. Qazir depýtattyń saýalynda aitylǵan derekter boiynsha tekseris júrip jatyr. Qorytyndysy boiynsha qosymsha aqparat depýtatqa jiberiledi.
