پرەمەر-مينيستر ولجاس بەكتەنوۆ مەجٸلٸس دەپۋتاتى باقىتجان بازاربەكتٸڭ ساۋالىنا رەسمي جاۋاپ بەردٸ. بۇعان دەيٸن دەپۋتات الماتىنىڭ تاۋ بٶكتەرٸنەن جەر بەرۋدٸڭ زاڭدىلىعى مەن قۇرىلىستىڭ نىسانالى ماقساتىنىڭ ٶزگەرۋٸنە قاتىستى تەكسەرٸس جٷرگٸزۋدٸ تالاپ ەتكەن بولاتىن, دەپ حابارلايدى Dalanews.kz.
باقىتجان بازاربەك تىيىمعا قاراماستان قالا ماڭىنداعى تاۋ جوتالارى كەسٸلٸپ, ەليتالىق كوتتەدجدەر سالىنىپ جاتقانىن مەلٸمدەدٸ. ونىڭ ايتۋىنشا, مۇزدىقتار مەن مورەنالىق كٶلدەر ەرٸسە, الماتىعا ٷلكەن اپات تٶنۋٸ مٷمكٸن. سونداي-اق, ول رۇقساتسىز سالىنعان 40 قاباتتى عيمارات پەن باسقا دا تۇرعىن ٷي كەشەندەرٸن اتاپ ٶتتٸ. دەپۋتاتتىڭ سٶزٸنشە, كەيبٸر نىسانداردى بۇزۋ تۋرالى سوت شەشٸمدەرٸ جىلدار بويى ورىندالماي كەلەدٸ. سوندىقتان ول باقىلاۋدى كٷشەيتٸپ, زاڭسىز قۇرىلىستاردى توقتاتۋدى تالاپ ەتتٸ.
ال ولجاس بەكتەنوۆتىڭ ايتۋىنشا, تاۋلى ايماقتاعى جەر ۋچاسكەلەرٸن بۇعان دەيٸن الماتى وبلىسىنىڭ قاراساي جەنە تالعار اۋداندارى ەكٸمدٸكتەرٸ بەرگەن, ال 1998–2014 جىلدارى بۇل اۋماق الماتىنىڭ قۇرامىنا قوسىلعان. 2021 جىلدان بەرٸ جاڭا ۋچاسكەلەر بٶلٸنبەگەن.
"قازٸر الماتى قالاسىنىڭ جەر رەسۋرستارىن باسقارۋ دەپارتامەنتٸ 25 جەر ۋچاسكەسٸنە قاتىستى تەكسەرٸس جٷرگٸزٸپ جاتىر. بۇل ولاردىڭ بەرٸلۋ زاڭدىلىعىن انىقتاۋعا جەنە تيٸستٸ شارا قولدانۋعا باعىتتالعان", – دەدٸ پرەمەر-مينيستر.
سونىمەن قاتار, قالا قۇرىلىسىن باقىلاۋ باسقارماسى زاڭسىز قۇرىلىس جٷرگٸزگەندەرگە ەكٸمشٸلٸك شارالار قولدانىپ جاتىر.
جەكەلەگەن نىساندارعا قاتىستى دەرەكتەر:
-
"بەۆەرلي حيللس" كوتتەدج قالاشىعى رۇقسات قۇجاتتارى نەگٸزٸندە پايدالانۋعا بەرٸلگەن (2021–2022 جج.);
-
كٶلساي شاعىناۋدانىنداعى بٸرقاتار ۋچاسكەگە رۇقسات بەرٸلمەگەن, كەي نىساندار ٸشٸنارا پايدالانۋعا بەرٸلگەن;
-
"گورنىي گيگانت" 554 ۋچاسكەسٸندە جوبا قۇجاتتاماسى جوق, قۇرىلىس سالۋشىعا شارا قولدانىلىپ, سوتقا سٷرۋ تۋرالى تالاپ جولدانعان;
-
"گورنىي گيگانت", 20ا ۋچاسكەسٸنە تۇرعىن ٷي كەشەنٸن سالۋعا رۇقسات بەرٸلگەن (2021 ج.);
-
Prime Park تك بويىنشا زاڭبۇزۋشىلىقتار جويىلىپ, تالاپتار ورىندالعان;
-
"مونبلان" جەنە "شۆەيتسارييا" تۇرعىن ٷيلەرٸنە قاتىستى سوت نىسانداردى سٷرۋ تۋرالى شەشٸم شىعارعان, ونىڭ ورىندالۋى ەدٸلەت ورگاندارىنىڭ باقىلاۋىندا.
2025 جىلى الماتىنىڭ ەدٸلەت دەپارتامەنتٸنٸڭ ٶندٸرٸسٸندە 35 ٸس بولعان, ونىڭ 20-سى ورىندالعان (57%). بٸرقاتار نىسان تولىق نەمەسە ٸشٸنارا بۇزىلعان.
بەكتەنوۆ 4 تامىزدا الماتىنىڭ جوعارعى بٶلٸگٸندە كٶپقاباتتى ٷيلەر سالۋعا موراتوريي ەنگٸزٸلگەنٸن ەسكە سالدى. قازٸر دەپۋتاتتىڭ ساۋالىندا ايتىلعان دەرەكتەر بويىنشا تەكسەرٸس جٷرٸپ جاتىر. قورىتىندىسى بويىنشا قوسىمشا اقپارات دەپۋتاتقا جٸبەرٸلەدٸ.
