2025 jylǵy 1 mamyrda Almatyda Qazaqstan halqy Assambleıasynyń 30 jyldyǵyna jáne Qazaqstan halqynyń birligi kúnine oraı "Birlik júgirisi" marafony ótti,- dep habarlaıdy Dalanews.kz
Bul sharanyń bir ereksheligi - marafonnyń elimizdiń barlyq óńirlerinde bir ýaqytta ótýi.
İs-shara Tuńǵysh Prezıdent saıabaǵynda boldy. Marafonǵa 500–ge jýyq adam qatysty-bul etnomádenı birlestikterdiń ókilderi, Qazaqstan halqy Assambleıasynyń seriktesteri, kásibı sportshylar jáne sport súıer qaýym. Qatysýshylar saıabaq aýmaǵy boıynsha 4 shaqyrym qashyqtyqty júgirdi.
"Birlik júgirisi" marafony salaýatty ómir saltyn nasıhattaýǵa, sondaı-aq qoǵamdaǵy birlik pen kelisimdi nyǵaıtýǵa baǵyttalǵan biregeı aksıaǵa aınaldy. Respýblıkalyq marafon eldiń ártúrli aımaqtarynan kelgen adamdardy ortaq maqsatpen biriktirip, dostyq pen yntymaqtastyqtyń sımvolyna aınaldy.
