Almatynyń Samal shaǵyn aýdanynda turaqty ári sapaly aýyzsýmen qamtamasyz etetin sý qubyry jelisiniń tolyq jańǵyrtý jumystary aiaqtaldy. Jańartylǵan sý júiesi 25 myńnan astam turǵynǵa qyzmet kórsetedi. Bul jeli 13 mamyr kúni iske qosylady, dep habarlaidy Dalanews.kz
Bul kúni saǵat 08:00-den 20:00-ge deiin Medeý jáne Bostandyq aýdandarynda sýyq sýmen jabdyqtaý ýaqytsha shekteledi. Sý berý ýaqytsha toqtatylatyn aimaqtar:
- Medeý aýdany – Nazarbaev dańǵyly, Sátbaev kóshesi, Dostyq dańǵyly jáne Joldasbekov kóshesiniń shekarasynda ornalasqan aýmaqtar, sonyń ishinde Samal-1, Samal-2 jáne Samal-3 shaǵyn aýdandary;
- Bostandyq aýdany – Pomerantsev kóshesi, Gandi kóshesi, Nazarbaev jáne Ál-Farabi dańǵyldarynyń arasyndaǵy aimaqtar.
Jańǵyrtylǵan sý qubyry «Almaty Sý» memlekettik kommýnaldyq kásipornynyń investitsiialyq baǵdarlamasy aiasynda júrgizildi jáne bul qaladaǵy sý júiesiniń senimdiligin aitarlyqtai arttyrady.
Atalǵan sý jelileri alǵash ret 1985 jyly arnaiy júrip ótý arnasy arqyly salynǵan – bul tehnologiiamen jasalǵan qaladaǵy jalǵyz ýchaske. Jańǵyrtý jumystaryna deiin qubyrlardyń tozý deńgeii 80%-dan asqan bolatyn. 2024 jyly uzyndyǵy 4,369 shaqyrym, diametri 300 mm bolatyn ýchaske tolyǵymen aýystyryldy. Barlyq jumys qazýsyz, jol qozǵalysyn shektemei júrgizildi.
Jalpy, qalada injenerlik jelilerdi jańǵyrtý jáne rekonstrýktsiialaý boiynsha keshendi is-sharalar qabyldanyp jatyr. Osylaisha, qabyldanyp jatqan sharalar 2025 jyly sýmen jabdyqtaý jelileriniń tozýyn 52,9%-ǵa, sý burýdy 53,9%-ǵa, elektrmen jabdyqtaýdy 63,3%-ǵa deiin tómendetýge múmkindik beredi.
