Almaty qalasyndaǵy Medeý aýdanynda jańa oqý oryndaryn quryp, qoldanystaǵy mekteptiń jaǵdaiyn jaqsartýdy kózdeitin júieli jumys istelip jatyr. Bul týraly Medeý aýdanynyń ákimi Erkebulan Orazalin Óńirlik kommýnikatsiialar qyzmetinde ótken baspasóz konferentsiiasynda baiandady,- dep habarlaidy Dalanews.kz
Qyrkúiek aiyna deiin Qulja tas jolynyń ońtústiginde 2 000 oryndyq jańa mekteptiń qurylysy bitpek. Sonymen qatar, 599 orynǵa arnalǵan jeke mektep te salynyp jatyr. Endi taǵy eki jeke mekteptiń – «Dýman» shaǵyn aýdanyndaǵy 1 200 oryndyq, ekinshisi – Haliýllin kóshesindegi 300 orynǵa arnalǵan mekteptiń qurylysy bastalady. Osylaisha, keler jyldyń sońyna deiin aýdanda jańadan 4 099 oryn paidalanýǵa berilmek.
Jańa mekteppen qatar, qoldanystaǵy bilim berý mekemelerin keńeitý jaǵy da qolǵa alynǵan. Jyl sońyna deiin №35 mektepke (300 oryn), №99 mektepke (250 oryn), NISh mektebine (320 oryn), №131 mektepke (300 oryn) qosymsha ǵimarat salynyp bitedi.
Úsh oqý ornynda kúrdeli jóndeý jumystary júrgizilip jatyr. №33 pen №161 mekteptegi jóndeý jumysy biylǵy qyrkúiekte aiaqtalady. «Samal» shaǵyn aýdanynda ornalasqan №30 mektepti «Kásipkerler mektebi» jobasymen biriktirip, sonyń arqasynda qosymsha 400 oqýshy orny ashylmaq. Jóndeý jumysyn 2026 jyldyń qyrkúiegine deiin, bilim berý jobasyn biyldyń sońyna deiin aiaqtaý josparlanǵan.
