الماتى قالاسىنداعى مەدەۋ اۋدانىندا جاڭا وقۋ ورىندارىن قۇرىپ, قولدانىستاعى مەكتەپتٸڭ جاعدايىن جاقسارتۋدى كٶزدەيتٸن جٷيەلٸ جۇمىس ٸستەلٸپ جاتىر. بۇل تۋرالى مەدەۋ اۋدانىنىڭ ەكٸمٸ ەركەبۇلان ورازالين ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز كونفەرەنتسيياسىندا باياندادى,- دەپ حابارلايدى Dalanews.kz
قىركٷيەك ايىنا دەيٸن قۇلجا تاس جولىنىڭ وڭتٷستٸگٸندە 2 000 ورىندىق جاڭا مەكتەپتٸڭ قۇرىلىسى بٸتپەك. سونىمەن قاتار, 599 ورىنعا ارنالعان جەكە مەكتەپ تە سالىنىپ جاتىر. ەندٸ تاعى ەكٸ جەكە مەكتەپتٸڭ – «دۋمان» شاعىن اۋدانىنداعى 1 200 ورىندىق, ەكٸنشٸسٸ – حاليۋللين كٶشەسٸندەگٸ 300 ورىنعا ارنالعان مەكتەپتٸڭ قۇرىلىسى باستالادى. وسىلايشا, كەلەر جىلدىڭ سوڭىنا دەيٸن اۋداندا جاڭادان 4 099 ورىن پايدالانۋعا بەرٸلمەك.
جاڭا مەكتەپپەن قاتار, قولدانىستاعى بٸلٸم بەرۋ مەكەمەلەرٸن كەڭەيتۋ جاعى دا قولعا الىنعان. جىل سوڭىنا دەيٸن №35 مەكتەپكە (300 ورىن), №99 مەكتەپكە (250 ورىن), نيش مەكتەبٸنە (320 ورىن), №131 مەكتەپكە (300 ورىن) قوسىمشا عيمارات سالىنىپ بٸتەدٸ.
ٷش وقۋ ورنىندا كٷردەلٸ جٶندەۋ جۇمىستارى جٷرگٸزٸلٸپ جاتىر. №33 پەن №161 مەكتەپتەگٸ جٶندەۋ جۇمىسى بيىلعى قىركٷيەكتە اياقتالادى. «سامال» شاعىن اۋدانىندا ورنالاسقان №30 مەكتەپتٸ «كەسٸپكەرلەر مەكتەبٸ» جوباسىمەن بٸرٸكتٸرٸپ, سونىڭ ارقاسىندا قوسىمشا 400 وقۋشى ورنى اشىلماق. جٶندەۋ جۇمىسىن 2026 جىلدىڭ قىركٷيەگٸنە دەيٸن, بٸلٸم بەرۋ جوباسىن بيىلدىڭ سوڭىنا دەيٸن اياقتاۋ جوسپارلانعان.
