Túrksib aýdanynyń turǵyndarymen kezdesý barysynda Almaty ákimi Erbolat Dosaev aýdandaǵy eski turǵyn úilerdi renovatsiialaý boiynsha júrgizilip jatqan jumystar týraly aityp berdi dep, habarlaidy Dalanews.kz
Búginde Almatyda 1 366 eski úi bar, onyń 40%-dan astamy Túrksib aýdanynda ornalasqan.
«Ótken jyly Kassin jáne Saýranbaev kóshelerinde 13 jańa kóppáterli turǵyn úidiń qurylysy aiaqtaldy. Altai - 2 shaǵyn aýdanynda 6 buzylǵan úidiń ornyna toǵyz qabatty 3 úidiń qurylysy júrgizilýde. Sondai-aq Saýranbaev kóshesinde 3 úidi buzý josparlanyp otyr, odan keiin 8 jańa kóppáterli turǵyn úi salynady», - dedi Erbolat Dosaev.
Esterińizge sala keteiik, qala ákimdigi 2030 jylǵa deiin turǵyn úidi renovatsiialaýdyń jańa baǵdarlamasyn ázirlegen edi. Baǵdarlamada 676 eski úidi renovatsiialaý qarastyrylǵan. Tektonikalyq aqaýlarda ornalasqan qańqaly-qamysty úiler men ǵimarattardy buzýǵa basa nazar aýdarylady.
Baǵdarlamanyń negizgi qaǵidaty-qurylysty toqsandyq júrgizý. Ǵimarattardy kóshirý jáne buzý barlyq eski turǵyn úi ieleriniń kelisimimen ǵana júzege asyrylatyn bolady. Bul rette menshik ielerine «bólme úshin bólme» qaǵidaty boiynsha aiyrbastaý nemese naryqtyq quny boiynsha aqshalai ótemaqy alý múmkindigi beriledi.
