تۇركسىب اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ اۋدانداعى ەسكى تۇرعىن ۇيلەردى رەنوۆاسيالاۋ بويىنشا جۇرگىزىلىپ جاتقان جۇمىستار تۋرالى ايتىپ بەردى دەپ، حابارلايدى Dalanews.kz
بۇگىندە الماتىدا 1 366 ەسكى ءۇي بار، ونىڭ 40%-دان استامى تۇركسىب اۋدانىندا ورنالاسقان.
«وتكەن جىلى كاسسين جانە ساۋرانبايەۆ كوشەلەرىندە 13 جاڭا كوپپاتەرلى تۇرعىن ءۇيدىڭ قۇرىلىسى اياقتالدى. التاي - 2 شاعىن اۋدانىندا 6 بۇزىلعان ءۇيدىڭ ورنىنا توعىز قاباتتى 3 ءۇيدىڭ قۇرىلىسى جۇرگىزىلۋدە. سونداي-اق ساۋرانبايەۆ كوشەسىندە 3 ءۇيدى بۇزۋ جوسپارلانىپ وتىر، ودان كەيىن 8 جاڭا كوپپاتەرلى تۇرعىن ءۇي سالىنادى»، - دەدى ەربولات دوسايەۆ.
ەستەرىڭىزگە سالا كەتەيىك، قالا اكىمدىگى 2030 جىلعا دەيىن تۇرعىن ءۇيدى رەنوۆاسيالاۋدىڭ جاڭا باعدارلاماسىن ازىرلەگەن ەدى. باعدارلامادا 676 ەسكى ءۇيدى رەنوۆاسيالاۋ قاراستىرىلعان. تەكتونيكالىق اقاۋلاردا ورنالاسقان قاڭقالى-قامىستى ۇيلەر مەن عيماراتتاردى بۇزۋعا باسا نازار اۋدارىلادى.
باعدارلامانىڭ نەگىزگى قاعيداتى-قۇرىلىستى توقساندىق جۇرگىزۋ. عيماراتتاردى كوشىرۋ جانە بۇزۋ بارلىق ەسكى تۇرعىن ءۇي يەلەرىنىڭ كەلىسىمىمەن عانا جۇزەگە اسىرىلاتىن بولادى. بۇل رەتتە مەنشىك يەلەرىنە «بولمە ءۇشىن بولمە» قاعيداتى بويىنشا ايىرباستاۋ نەمەسە نارىقتىق قۇنى بويىنشا اقشالاي وتەماقى الۋ مۇمكىندىگى بەرىلەدى.
