Almatynyń Alataý aýdanynyń ákimi Daniiar Qyryqbaev jaryq qashan qosylatynyn aitty, dep habarlaidy Dalanews.kz.
13 qarasha kúni saǵat shamamen 18:00-de 110 kV №124A jáne №101A joǵary kerneýli jelilerinde apattyq ajyratý oryn alyp, birqatar shaǵyn aýdandar jaryqsyz qaldy.
Ákimniń sóshinshe, tún boiy mamandar kúsheitilgen rejimde jumys atqarǵan. Saǵat 00:15-te L-101A jelisi tolyq qalpyna keltirilip, tutynýshylarǵa elektr energiiasy qaita berilgen.
14 qarashada tańǵy ýaqytta Saialy, Aqbulaq, Zerdeli shaǵyn aýdandaryna, sondai-aq «Sofia», «Arena Park» TÚK turǵyndaryna, ishinara «Aqkent» jáne «Daraboz» TÚK turǵyndaryna jaryq berildi.
Qazirgi ýaqytta Terekti, Alǵabas, Nurkent shaǵyn aýdandary, sondai-aq Aqkent pen Daraboz shaǵyn aýdandaryndaǵy jekelegen úiler elektr energiiasynsyz qaldy.
Búgin saǵat 11:50-de mamandar jer asty kabel jelisindegi zaqymdanǵan oryndy anyqtady.
Alańda qazý jumystary júrgizilip jatyr, bul zaqymdalǵan ýchaskege qol jetkizý úshin qajet. Barlyq qajetti materialdar men jabdyqtar jetkizilgen.
Jer qazý jumystary aiaqtalǵan soń brigadalar kabeldi qosý jáne jelini qalpyna keltirý jumystaryn bastaidy.
"Elektrmen jabdyqtaýdy tolyq qalpyna keltirýdiń aldyn ala josparlanǵan ýaqyty — búgin saǵat 18:00. Sizderden túsinistik tanytýdy suraimyz: apat joǵary kerneýli magistraldyq jelilerge qatysty bolǵandyqtan, elektr energiiasyn qaýipsiz ári senimdi túrde qalpyna keltirý úshin ýaqyt qajet", - deidi Qyryqbaev.
