Almatyda «Atakent» iskerlik yntymaqtastyq ortalyǵyn qaita qurý jumystary bastalady,- dep habarlaidy Dalanews.kz
Almaty ákimdiginiń málimetinshe, qaita qurý 2025 jyldyń shilde aiynan bastap kezeń-kezeńimen júrgiziledi. Joba aiasynda 74 myń m² jol men trotýardy kóriktendirý, 170 myń m² jasyl aimaqty abattandyrý, jaryq shamdary, kóshe jihazdary, sport alańdary, modýldi ájethanalar men avtomattandyrylǵan sýarý júiesin ornatý josparlanǵan.
Jobada aýmaqty abattandyrýǵa, kógaldandyrýǵa jáne zamanaýi ýrbanistik sheshimderdi engizýge erekshe nazar aýdaryldy.
«Atakenttiń» sýburqaq kesheni qaladaǵy eń kórikti oryndardyń birine ainalýy kerek. Bul jobanyń júregi bolmaq», - dedi Darhan Satybaldy.
Sonymen qatar, ol jumystyń merzimi men sapasyn saqtaýdyń mańyzdylyǵyn atap ótti.
Nysandy aralap kórgen Almaty ákimi aǵashtardyń ártúrli bolýyna mán berip, Almatynyń klimattyq erekshelikterine sai japyraqty aǵash túrlerin otyrǵyzýdy tapsyrdy.
