الماتىدا «اتاكەنت» ٸسكەرلٸك ىنتىماقتاستىق ورتالىعىن قايتا قۇرۋ جۇمىستارى باستالادى,- دەپ حابارلايدى Dalanews.kz
الماتى ەكٸمدٸگٸنٸڭ مەلٸمەتٸنشە, قايتا قۇرۋ 2025 جىلدىڭ شٸلدە ايىنان باستاپ كەزەڭ-كەزەڭٸمەن جٷرگٸزٸلەدٸ. جوبا اياسىندا 74 مىڭ م² جول مەن تروتۋاردى كٶرٸكتەندٸرۋ, 170 مىڭ م² جاسىل ايماقتى اباتتاندىرۋ, جارىق شامدارى, كٶشە جيھازدارى, سپورت الاڭدارى, مودۋلدٸ ەجەتحانالار مەن اۆتوماتتاندىرىلعان سۋارۋ جٷيەسٸن ورناتۋ جوسپارلانعان.
جوبادا اۋماقتى اباتتاندىرۋعا, كٶگالداندىرۋعا جەنە زاماناۋي ۋربانيستٸك شەشٸمدەردٸ ەنگٸزۋگە ەرەكشە نازار اۋدارىلدى.
«اتاكەنتتٸڭ» سۋبۇرقاق كەشەنٸ قالاداعى ەڭ كٶرٸكتٸ ورىنداردىڭ بٸرٸنە اينالۋى كەرەك. بۇل جوبانىڭ جٷرەگٸ بولماق», - دەدٸ دارحان ساتىبالدى.
سونىمەن قاتار, ول جۇمىستىڭ مەرزٸمٸ مەن ساپاسىن ساقتاۋدىڭ ماڭىزدىلىعىن اتاپ ٶتتٸ.
نىساندى ارالاپ كٶرگەن الماتى ەكٸمٸ اعاشتاردىڭ ەرتٷرلٸ بولۋىنا مەن بەرٸپ, الماتىنىڭ كليماتتىق ەرەكشەلٸكتەرٸنە ساي جاپىراقتى اعاش تٷرلەرٸن وتىرعىزۋدى تاپسىردى.
