پرەزيدەنت قاسىم-جومارت توقاەۆ Euronews باسىلىمىندا جارييالانعان اۆتورلىق ماقالاسىندا قازاقستان مەن ەۋروپالىق وداق اراسىنداعى سەرٸكتەستٸكتٸڭ كەلەسٸ ونجىلدىقتاعى نەگٸزگٸ باعىتتارىن ايقىندادى. ماقالا مەملەكەت باسشىسىنىڭ بريۋسسەلگە ساپارى قارساڭىندا جارىق كٶردٸ, دەپ حابارلايدى dalanews.kz.
توقاەۆتىڭ پٸكٸرٸنشە, قازاقستان مەن ەۋرووداق اراسىنداعى ىنتىماقتاستىق ەندٸ ناقتى نەتيجەلەرگە باعىتتالۋى تيٸس. ول الداعى ون جىلداعى ٶزارا ەرٸپتەستٸكتٸڭ ٷش ستراتەگييالىق باسىمدىعىن اتادى.
بٸرٸنشٸ باعىت – ەكونوميكالىق بايلانىستاردى تەرەڭدەتۋ. پرەزيدەنت قازاقستان ەۋروپانىڭ سەنٸمدٸ ساۋدا جەنە ينۆەستيتسييالىق سەرٸكتەسٸ بولىپ قالا بەرەتٸنٸن اتاپ ٶتتٸ. ونىڭ ايتۋىنشا, تاراپتار شيكٸزات جەتكٸزۋمەن عانا شەكتەلمەي, قوسىلعان قۇنى جوعارى ٶندٸرٸستەردٸ دامىتۋعا باسىمدىق بەرۋٸ كەرەك.
ەكٸنشٸ باسىمدىق – كٶلٸك جەنە لوگيستيكا سالاسىنداعى ىنتىماقتاستىق. مەملەكەت باسشىسى گەوساياسي ٶزگەرٸستەر جاعدايىندا ەۋروپا مەن ازييانى جالعايتىن ترانسكاسپيي حالىقارالىق كٶلٸك باعىتىنىڭ, ياعني ورتا دەلٸزدٸڭ ماڭىزى ارتىپ كەلە جاتقانىن جازدى. ونىڭ پٸكٸرٸنشە, بۇل باعىت ەكٸ قۇرلىق اراسىنداعى ساۋدا اينالىمىن ۇلعايتۋعا مٷمكٸندٸك بەرەدٸ.
ٷشٸنشٸ باعىت رەتٸندە توقاەۆ تسيفرلاندىرۋ, يننوۆاتسييا جەنە جاساندى ينتەللەكت سالاسىنداعى ەرٸپتەستٸكتٸ اتادى. پرەزيدەنت جاڭا تەحنولوگييالار ەكونوميكالىق ٶسٸمنٸڭ باستى درايۆەرٸنە اينالىپ جاتقانىن ايتىپ, قازاقستان مەن ەو بۇل باعىتتا كٷش بٸرٸكتٸرۋگە مٷددەلٸ ەكەنٸن جەتكٸزدٸ.
سونىمەن قاتار ماقالادا ەنەرگەتيكا, سيرەك كەزدەسەتٸن مەتالدار جەنە جاسىل ەكونوميكا مەسەلەلەرٸ دە قامتىلعان. توقاەۆ قازاقستان ەۋروپانىڭ ماڭىزدى شيكٸزات سەرٸكتەستەرٸنٸڭ بٸرٸ بولا الاتىنىن اتاپ ٶتتٸ.
«ٶتكەن ونجىلدىق بٸزگە تابىستى سەرٸكتەس بولا الاتىنىمىزدى كٶرسەتتٸ. ەندٸگٸ مٸندەت – وسى سەرٸكتەستٸكتٸ ناقتى نەتيجەلەرگە اينالدىرۋ», – دەپ جازدى قازاقستان پرەزيدەنتٸ.
