Almatydaǵy Tótenshe jaǵdaılar jáne dúleı zilzalalar qaýpin azaıtý ortalyǵy bazasynda Ortalyq Azıa elderiniń tótenshe vedomstvolary basshylarynyń kezdesýi ótti,- dep habarlaıdy Dalanews.kz

İs-sharaǵa Qazaqstan Respýblıkasynyń Tótenshe jaǵdaılar mınıstri general-maıor Shyńǵys Árinov, Qyrǵyz Respýblıkasynyń Tótenshe jaǵdaılar mınıstri general-maıor Boobek Ajıkeev, Tájikstan Respýblıkasy Úkimetiniń janyndaǵy Tótenshe jaǵdaılar jáne azamattyq qorǵanys komıtetiniń tóraǵasy general-polkovnık Radjabalı Rahmonalı jáne Ózbekstan Respýblıkasy Tótenshe jaǵdaılar mınıstriniń birinshi orynbasary polkovnık Sanjar Zýparov qatysty.

Ortalyq qyzmetiniń tusaýkeseri jáne Ózbekstan men Tájikstannyń onyń baǵdarlamalary jáne bastamalaryna qosylý múmkindigi talqylaýdyń negizgi taqyryby boldy.

  «Tótenshe jaǵdaılardyń aldyn alý jáne olardy joıý salasyndaǵy óńirlik yntymaqtastyqty nyǵaıtý Ortalyq Azıa elderiniń qaýipsizdigi men ornyqty damýyn qamtamasyz etýdiń negizgi faktory bolyp tabylady. Qazaqstan TJM ortalyqtyń áleýetin damytýǵa qoldaý kórsetip, tájirıbe jáne tehnologıalarmen bólisýde, sondaı-aq Ózbekstan men Tájikstandy Ortalyq Azıadaǵy zilzalalar qaýpin azaıtý jónindegi biryńǵaı júıege ıntegrasıalaý baǵytyndaǵy kúsh-jigerdi qoldaıdy», - dep Shyńǵys Árinov atap ótti.

Dıalog barysynda taraptar aqparat almasý tetikterin, birlesken oqý-jattyǵýlar ótkizýdi, tótenshe jaǵdaılarǵa den qoıýdy úılestirýdi, sondaı-aq klımattyq jáne ekologıalyq qaýip-qaterlerdiń kúsheıýi jaǵdaıynda yntymaqtastyqty nyǵaıtý máselelerin talqylady.

Klımattyń ózgerý saldaryna beıimdelý jáne zilzalalar qaýpin azaıtýǵa baǵyttalǵan birlesken strategıalardy ázirleý máselelerine erekshe nazar aýdaryldy.

Kezdesý qorytyndysy boıynsha qatysýshylar kúsh-jigerdi odan ári biriktirýge jáne halyqtyń qaýipsizdigin qamtamasyz etýge baǵyttalǵan biryńǵaı óńirlik tásildi ázirleýge daıyn ekendikterin bildirdi.