Sot sheshimi boıynsha Almaty qalasy Medeý aýdanyndaǵy 3-shi kóshe, 12-ýchaske boıyna salynǵan nysandy buzý bastaldy,- dep habarlaıdy Dalanews.kz Qala qurylysyn baqylaý basqarmasyna silteme jasap.
Qurylysqa ruqsat berý qujattarynyń paketi joq, ol jospardan tys tekserý barysynda anyqtaldy.
Nátıjesinde menshik ıesine (jeke tulǵaǵa) qatysty jol berilgen buzýshylyqtardy joıýǵa nusqama bere otyryp, ákimshilik sharalar qabyldandy.
Menshik ıesi nusqamanyń talaptaryn oryndamaǵandyqtan, buzý týraly talap aryz aýdandyq sotqa jiberildi.
2024 jylǵy 7 aqpanda Medeý aýdandyq sotynyń sheshimimen basqarmanyń talap aryzy qanaǵattandyryldy. 2024 jylǵy 27 mamyrda Almaty qalalyq soty birinshi satydaǵy sheshimdi ózgerissiz qaldyrdy.
Nysandy buzý búgin qalanyń Ádilet departamentiniń qatysýymen bastaldy.
Esterińizge sala keteıik, Almaty ákimi Erbolat Dosaevtyń qurylysty baqylaýdy kúsheıtý jónindegi tapsyrmasy aıasynda 2023 jyldyń basynan beri 67 zańsyz nysan, onyń ishinde «Mechta», KHAN jáne basqa da turǵyn úı keshenderi tolyǵymen nemese ishinara buzylǵan.
