سوت شەشىمى بويىنشا الماتى قالاسى مەدەۋ اۋدانىنداعى 3ء-شى كوشە، 12-ۋچاسكە بويىنا سالىنعان نىساندى بۇزۋ باستالدى،- دەپ حابارلايدى Dalanews.kz قالا قۇرىلىسىن باقىلاۋ باسقارماسىنا سىلتەمە جاساپ.
قۇرىلىسقا رۇقسات بەرۋ قۇجاتتارىنىڭ پاكەتى جوق، ول جوسپاردان تىس تەكسەرۋ بارىسىندا انىقتالدى.
ناتيجەسىندە مەنشىك يەسىنە (جەكە تۇلعاعا) قاتىستى جول بەرىلگەن بۇزۋشىلىقتاردى جويۋعا نۇسقاما بەرە وتىرىپ، اكىمشىلىك شارالار قابىلداندى.
مەنشىك يەسى نۇسقامانىڭ تالاپتارىن ورىنداماعاندىقتان، بۇزۋ تۋرالى تالاپ ارىز اۋداندىق سوتقا جىبەرىلدى.
2024 جىلعى 7 اقپاندا مەدەۋ اۋداندىق سوتىنىڭ شەشىمىمەن باسقارمانىڭ تالاپ ارىزى قاناعاتتاندىرىلدى. 2024 جىلعى 27 مامىردا الماتى قالالىق سوتى ءبىرىنشى ساتىداعى شەشىمدى وزگەرىسسىز قالدىردى.
نىساندى بۇزۋ بۇگىن قالانىڭ ادىلەت دەپارتامەنتىنىڭ قاتىسۋىمەن باستالدى.
ەستەرىڭىزگە سالا كەتەيىك، الماتى اكىمى ەربولات دوسايەۆتىڭ قۇرىلىستى باقىلاۋدى كۇشەيتۋ جونىندەگى تاپسىرماسى اياسىندا 2023 جىلدىڭ باسىنان بەرى 67 زاڭسىز نىسان، ونىڭ ىشىندە «مەچتا»، KHAN جانە باسقا دا تۇرعىن ءۇي كەشەندەرى تولىعىمەن نەمەسە ءىشىنارا بۇزىلعان.
