Pavlodarda skverdi jóndeýge qajet kólemnen úsh esege jýyq kóp plitka satyp alý josparlanǵan, dep habarlaidy dalanews.kz.
Pavlodar qalasynyń prokýratýrasy ortalyq skverdi jóndeýge qatysty memlekettik satyp alý qujattaryn tekserý barysynda zańbuzýshylyqtardy anyqtaǵan.
Tekseris nátijesinde jobaǵa 25 myń sharshy metrden asa trotýar plitasyn tóseý jáne dál osyndai kólemde quny 368 million teńgeden asatyn beton plitalaryn satyp alý josparlanǵan.
Skverdiń jalpy aýmaǵy - shamamen 25 myń sharshy metr. Alaida onyń ishinde kógaldar, aǵashtar, jasyl jelek pen ashyq jerler de bar. Osylaisha trotýar plitasyna naqty qajettilik 9 myń sharshy metrden aspaityny anyqtalǵan.
Prokýratýranyń aralasýynan keiin memlekettik satyp alý rásimi toqtatylyp, jaýapty laýazymdy tulǵa tártiptik jaýapkershilikke tartylǵan.
